Mesazhi i kryetarit të Odës së Infermierëve, z. Naser Rrustemaj, me rastin e 12 Majit, Ditës Ndërkombëtare të Infermierisë!

INFERMIERËT DËSHMUAN SE JANË POTENCIAL I JASHTËZAKONSHËM

Kryetari i Odës së Infermierëve të Kosovës Naser Rrustemaj, me rastin e 12 Majit, Ditës Ndërkombëtare të Infermierisë, i është drejtuar me një mesazh komunitetit infermieror. “

Në prag të shënimit të ditës tonë, na ka rastisur si kurrë më parë të gjendemi para një sfide të madhe njerëzore – pandemisë covid 19. Ne, me profesionalizmin tonë, po ia dalim edhe në këtë betejë aspak të lehtë”, ka thënë Rrustemaj.

Ai ka shtuar se kjo nuk ishte vetëm një sprovë, por më shumë se kaq, “një dëshmi, që si infermierë, me sakrificë e dinjitet, jemi në luftë me sëmundjet, edhe atëherë kur prej të tjerëve kërkohet të qëndrojnë në shtëpi”. Infermierët, e dëshmuan se janë një potencial i jashtëzakonshëm, që respekti dhe vlerësimi për ta, duhet të jetë maksimal. Ai ka thënë se sakrifica e infermierëve do të respektohet gjithsesi.

“Askush nuk do të shkelë mbi djersën, mundin e profesionizmin tuaj”, ka shtuar Rrustemaj, në një video-mesazh, ku OIK i falënderon infermierët për mundin, sakrificën dhe rreziqet që bartën mbi supet e tyre, për të qenë në krah të pacientëve.

Menu