Historiku, Zhvillimi dhe Arritjet e OIK-ut
Me miratimin e ligjit për odat e Profesionisteve Shëndetësor Nr-04/L -150 nga kuvendi i republikës së Kosovës, Profesionistët Shëndetësor kanë fituar të drejta të vetë organizimit, të vetë rregullimit dhe të vetë qeverisjes me qëllim të avancimit, mbrojtjes dhe përfaqësimit të interesave profesionale si dhe të mbrojtjes dhe deontologjisë profesionale.
Ligji në fjale lë hapësirë shumë të gjerë që Odat mjekësore të vetë rregullohen përmes aktivitetit normative brenda përgjegjësive të Odës.
Për herë të parë në historinë e Kosovës, shteti me ligj ka deleguar një pjesë substanciale të kompetencave shtetërore në administrim dhe vet rregullim te profesionisteve shëndetësore.
Oda e Infermierëve të Kosovës si Oda profesionale e Profesionistëve Shëndetësor më e madhja në Kosovë ka pasur përgjegjësi shtesë për përmbushjen e qëllimit dhe misionit të Ligjit.
Oda e Infermierëve, Mamive dhe Profesionistëve tjerë Shëndetësorë të Kosovës u themelua më 23 janar 2015, pas një procesi zgjedhor jashtëzakonisht shumë demokratik dhe transparent duke siguruar gjithë përfshirje profesionale, institucionale dhe territoriale.
Në mbledhjen e parë konstituive të Odës të mbajtur me 23 janar 2015 janë verifikuar dhe certifikuar rezultatet zgjedhore dhe është konstatua kuvendi i odes si organi më i lartë përfaqësues dhe vet rregullues i Odës.
Në të njëjtën seancë të Kuvendit është bër edhe zgjedhja e Kryetarit të Odës si organi ekzekutiv i Odes.
Procesi i zgjedhjes së Kryetarit të Odës është zhvilluar me një konkurrencë të fortë në mes të kandidatëve të certifikuar nga KQZ – ja për kryetar të odës.
Secili kandidat ka pasur mundësin që të paraqes pikëpamjet dhe programin zhvillimor. Pas rundit të parë zgjedhor dy kandidatët me numër më të madh të votave janë kualifikuar në rundin e dytë zgjedhor.
Në dy rundet e para të votimit kandidatet e kualifikuar për rundin e dytë kanë marr numër të njëjtë të votave dhe vetëm në rundin e tretë është arrit zgjedhja e Kryetarit të tanishëm z. Naser Rrustemaj.
Në mbledhjen konstituive të Kuvendit përveç anëtarëve të Kuvendit prezent kanë qenë edhe mysafir nga Odat dhe Shoqatat si Motra të rajonit( Slloveni, Shqipëri, Maqedoni, Poloni etj.) si dhe kryetarët e Odave të sapo formuara, Ministri i Shëndetësisë dhe zyrtar të tjerë. Të gjithë të pranishmit kanë admiruar dhe përshëndetur procesin shumë demokratik të konstituimit të kuvendit dhe zgjedhjes së Kryetarit të Odes.
