Kryetari i OIK ndëron me mirënjohje bashkëpunëtorët
Prishtinë, 24 shkurt –
Kryetari i Odës së Infermierëve, mamive dhe profesionistëve tjerë shëndetësorë Naser Rrustemaj, në fund të mandatit të tij të dytë ka ndarë mirënjohje për punën dhe angazhimin që kanë treguar të gjithë kryetarët e komisioneve, anëtarët e Këshillit Drejtues, nënkryetarët e OIk, dhe këshilltari i OIK si dhe kryetari i Kuvendit.
Në fjalën mirënjohëse të tij, Rrustemaj ka thënë se falë angazhimeve ekipore arritën arritën që me shumë sakrifica Odën e Infermierëve, mamive dhe profesionistëve tjerë shëndetësorë ta konsolidojnë dhe ta ndërtojnë në një institucion model, të mirë organizuar dhe shembull të udhëheqjes transparente e gjithpërfshirëse.
Si kryetari i parë i zgjedhur i OIK, që po përfundon mandatin e tij të dytë ligjor, Rrustemaj ka thënë se uron që dera e kryetarit të OIK të jetë gjithnjë e hapur për komunitetin, pavarësisht se kush do të jetë udhëheqës i ri i OIK.
Rrustemaj ka folur para të pranishmëve që i falëmnderoi me mirënjohje edhe për sfidat e ndërtimit të Odës dhe konsolidimit të saj si dhe vështirësive me të cilat janë ballafaquar derisa OIK tashmë ka ndërtuar një strukturë të fortë dhe kompetente.
