OIK cakton koordinatorin për regjionin e Ferizajit
Oda e Infermierëve, mamive dhe profesionistëve tjerë shëndetësorë ka caktuar Rexhep Jakajn, koordinator për regjionin e Ferizajit.
Ferizaj, 22 dhjetor –
Promovimin e koordinatorit e ka bërë kryetarja e Odës së Infermierëve, mamive dhe profesionistëve tjerë shëndetësorë Nexhmije Gori, në prezencë të drejtorit të shëndetësisë së kësaj komune Kemajl Emini.
“Sot jemi të lumtur që në Ferizaj po promovojmë koordinatorin e OIK i cili do të jetë në dispozicionin Tuaj për preokupimet që mund t’i kenë infermierët e regjionit të Ferizajit”, ka thënë Gori.
Ajo ka thënë se infermierët, mamitë dhe profesionistët tjerë shëndetësorë tashmë kanë një adresë të rëndësishme për çështje që ndërlidhen me OIK.
- Rexhep Jakaj, që është zgjedhur koordinator për regjionin e Ferizajjt është pjesë e komisioneve të rëndësishme të OIK. Kryetarja Gori po ashtu ka marrë pjesë në shënimin e 10 vjetorit të Qendrës së Kompetencës në Ferizaj, shkollë kjo e mesme e shkencave mjekësore.
Aty është shpërndarë revista e OIK, Kujdesi dhe Shëndeti Infermieror.
“Ne nuk mund të synojmë lidership pa infermierë të shkolluar. Andaj, në kushtet që sot keni Ju për t’u shkolluar, duhet të jeni një shembull i mirë dhe rezultatet të jenë edhe më të larta”, ka thënë Gori para infermierëve të ardhshëm.
Nën patronatin e Kryetarit të Komunës së Ferizajit Agim Aliu po ashtu me rastin e 150 vjetorit të qytetit të Ferizajit është përmbyllur edhe java e shëndetësisë në Ferizaj.
Në fjalën e saj, kryetarja Gori me këtë rast ka përgëzuar stafin shëndetësor në Ferizaj.
“Këtu ku po bëhet një punë e mirë jo vetëm në ofrimin e shërbimeve shëndetësore por edhe në promovimin e angazhimit dhe benifiteve që vien nga puna e stafit shëndetësor që përfshinë komunitetin më të madh mjekësor në vend: infermierët, mamitë dhe profesionistët tjerë shëndetësorë. Qyteti Juaj po përbyllë një fushatë angazhimi dhe rezultatesh konkrete që na bën të jemi shumë krenar me të arriturat dhe sukseset që Ju keni treguar”, ka thënë Gori. Ajo ka njoftuar se po përmbushë një nga zotimet e saja, hapjen e zyrave regjionale të OIK, ku në gjitha regjionet sipas saj do të emrohen koordinatorët e OIK, nisiativë kjo që ka filluar me qytetin e Ferizajit.
