OIK organizon punëtori në mbështetje të CDF
Komuniteti infermieror do të përfitojë pa pasur nevojë për pagesë, në kuadër të programeve të Edukimit të Vazhdueshëm Profesional (EVP) me qëllim të shtimit të kapaciteteve dhe njohjes me të drejtat dhe liritë themelore të njeriut si dhe të drejtat në sistemin shëndetësor
Prishtinë, 21 maj 2021 –
Oda e Infermierëve, Mamive dhe Profesionistëve tjerë shëndetësorë (OIK) në mbështetje të Fondit për Zhvillim të Komuniteteve (CDF) do të zhvilloj një projekt për Edukim të Vazhdueshëm Profesional që ka për qëllim ngritjen kapaciteteve të komunitetit infermieror dhe anëtarësinë e OIK në lidhje me të drejtat dhe përgjegjësitë e tyre në vendin e punës.
Në kuadër të këtij projekti do të organizohen 4 punëtori dhe 10 forume online, në data të ndryshme për të cilat do të vendosen shpallje të veçanta, e të cilat ngërthejnë në vete programe në kuadër të projektit për EVP.
Programet janë të akredituara nga Komisioni për EVP i OIK, me ç’rast ligjëruesit do të përfitojnë nga 8 pikë akredituese kurse anëtarët dëgjues do të çertifikohen me nga 6 pikë akredituese.
Pjesmarrja në punëtori është e kufizuar. Në punëtorinë online do të lejohet në maksimum pjesmarrja e 300 personave, derisa me pjesmarrje fizike do të veprohet sipas rekomandimeve të Qeverisë për mbrojtje nga pandemia Covid 19.
Punëtoria e parë organizohet më datë 25 maj 2021 duke filluar nga ora 10:00 deri në ora 13:00 dhe pjesmarrja do t’iu mundësohet 300 aplikuesve të parë.
Temat e punëtorisë janë:
1) Të drejtat dhe liritë themelore të njeriut
2) Të drejtat në sistemin shëndetësor
Aplikimi Juaj për punëtori është i hapur nga 21 maj 2021 deri më 25 maj 2021.
Të drejtë aplikimi kanë vetëm anëtarët e OIK!
Në punëtorinë e parë do të marrin pjesë 300 aplikuesit e parë, derisa të tjerët aplikues do të ftohen për punëtorinë e radhës që do të trajtojë të njejtat tema.
Izaberite validnu formu
