Njoftim komunitetit infermieror rreth artikujve tendencioz të botuar në portalin “Gazeta Shneta”
Ka disa muaj që portali “Gazeta Shneta”, në mënyrë krejtësisht tendencioze duke shtrembëruar të vërtetën, ka shkruar artikuj për secilën inisiativë që është ndërmarrë në Odën e Infermierëve të Kosovës (OIK), për interes të komunitetit.
Ne tashmë jemi dëshmitar se Këshilli i Mediave të Shkruara të Kosovës (KMSHK) e ka konstatuar se ky portal ka shpifur për Odën e Infermierëve dhe për këtë Vendimi i KMSHK është publik. (Shtyp këtu për të lexuar vendimin)
OIK pas këtij vendimi, ka autorizuar avokatin për të ngritur padi civile ndaj portalit “Gazeta Shneta”, dhe kjo gjë është bërë, duke u bazuar në shpifjet e konstatuara nga Këshilli i Mediave të Kosovës. (Shtyp këtu për të lexuar padinë)
Pavarësisht vendimit, edhe pas kësaj, OIK është bërë protagonist i shpifjeve të pandërprera të këtij portali i cili e ka shënjestruar OIK-un për arsye që ne vërtetë nuk i kuptojmë.
Megjithatë, ne si Institucion, do të presim verdiktin e organeve gjyqësore dhe se artikujt e këtij portali por edhe pyetjet e përditshme që na vijnë në adresën e OIK-ut nga Gazeta Shneta, nuk do të na shantazhojnë në asnjë rrethanë për të hequr dorë nga padia që kemi bërë.
Ne do të vazhdojmë aktivitetet tona dhe do të sforcojmë radhët e OIK-ut, varësisht nga shpifjet që bën ky portal në vazhdimësi, e me të cilat do të merren gjithsesi organet gjyqësore.
Ndryshe, në kuadër të aktiviteteve të saja, së fundi OIK ka krijuar edhe Këshillin Nacional Këshilldhënës, i cili është vetëm organ këshilldhënës dhe do të japë rekomandime e sygjerime organeve të OIK-ut.
Prandaj, infermierët dhe stafi tjetër shëndetësor, nuk kanë arsye të shqetësohen nga propozimet që mund të jepen lidhur me pagat, e as nga shpifjet e këtij mediumi, pasi as edhe një vendim nuk do të merret në dëm të komunitetit.
Ne si OIK, pavarësisht propozimeve që do të na viejnë, do të marrim vendime vetëm në konsulta dhe bashkëpunimin me organet përgjegjëse që merren me mbrotjen e të drejtave të komunitetit infermieror.
Me respekt
