FTESË PUBLIKE MBI SHPREHJEN E INTERESIT PËR AUDITIMIN E PASQYRAVE FINANCIARE TË OIK-UT
Mbështetur në Vendimin e Këshillit Drejtues të datës 02.05.2019 Kryetari i OIK-ut shpallë:
FTESË PUBLIKE MBI SHPREHJEN E INTERESIT PËR AUDITIMIN E PASQYRAVE FINANCIARE TË OIK-UT kliko këtu
Ftojmë kompanitë audituese të liçencuara nga Këshilli i Kosovës për Raportim Financiar (KKRF), që të paraqesin ofertat e tyre për: Auditimin e pasqyrave financiare të Odës së Infermierëve të Kosovës për vitet 2016, 2017 dhe 2018.
Objektivat dhe fushëveprimi i punës:
Qëllimi i auditimit të pasqyrave financiare është që të mundësojë auditorin të shprehë një opinion profesional mbi pozicionin financiar dhe të ardhurave e shpenzimeve për periudhën kontabël. Auditimi do të kryhet në përputhje me Standardet Ndërkombëtare të Auditimit (ISA) të publikuara nga Bordi i Standardeve Ndërkombëtare të Auditimit dhe Sigurisë të Federatës Ndërkombëtare të Kontabilistëve (IFAC). Këto standarde kërkojnë që auditori të planifikojë dhe kryejë auditimin për të marrë siguri të arsyeshme në lidhje me atë nëse pasqyrat financiare nuk janë të pavërteta. Auditimi përfshin shqyrtimin, në bazë të testimit, të provave që mbështesin shumat dhe shpalosjet në pasqyrat financiare. Kjo gjithashtu përfshin vlerësimin e parimeve të përdorura të kontabilitetit dhe vlerësimeve të rëndësishme të bëra nga menaxhmenti, si dhe vlerësimin e prezantimit të përgjithshëm të pasqyrave financiare.
Ofertat e paraqitura duhet të përmbajnë:
- Auditori duhet të jetë një kompani ligjore dhe kredibile e auditimit;
- Auditori duhet të jetë krejtësisht i paanshëm dhe i pavarur;
- Përvojat në auditimin e institucioneve të tjera të ngjashme me OIK;
- CV – të dhe referencat për stafin dhe përvojat e tyre dhe
- Ofertën financiare.
Përzgjedhja e auditorit të pavarur bëhet nga ana e Këshillit Drejtues të OIK-ut pas mbylljes së afatit për aplikim.
Dokumentacioni i kompletuar dorëzohet pranë zyrave të OIK-ut në formë fizike nga ora 10:00 deri në ora 14:00
Afati i aplikimit është 5 ditë pune nga dita e publikimit në webfaqen e OIK-ut, https://oik-ks.org/.
Data e Publikimit:
12.06.2019, Prishtinë
