Kryetari i OIK mori pjesë në tryezën e rrumbullakët organizuar nga OMK
Sot Kryetari i OIK-ut z. Naser Rrustemaj me ftesë të kryetarit të Odës së Mjekëve të Kosovës mori pjesë në tryezën e rrumbullakët me temën “Ligji për paga dhe Papunësia në radhët e profesionistëve shëndetësorë“.
Qëllimi i organizimit të tryezës ishte të mbledhë akterët kyç të sektorit të shëndetësisë për të diskutuar rreth shqetësimeve për numrin e madh të profesionistëve shëndetësorë të papunë, ikja e tyre nga Kosova si dhe çështja që ndërlidhet me Ligjin për paga në institucionet publike.
Me këtë rast kryetari i OIK-ut prezantoi problemet që ndërlidhen me këtë temë dhe theksoi se është e domosdoshme të bëhet:
- Rishikimi i ligjit për paga e sidomos kategorizimi i koeficientit për infermierët, mamitë dhe profesionistet tjerë shëndetësorë,
- Të rritet numri i Infermierëve mamive dhe profesionisteve tjerë shëndetësor në te gjitha institucionet publike në Kosovë dhe
- Të përmirësohen kushtet e punës.
Pjesëmarrës në këtë tryezë ishin edhe deputetja dhe kryetarja e komisionit për Shëndetësi dhe Mirëqenje Sociale në kuvendin e Kosovës Dr. Albena Reshitaj, përfaqësues të ministrisë së shëndetësisë, kryetarët e odave të profesionistëve shëndetësor dhe akter të tjerë qe lidhen me këtë fushë.
