OIK ndihmon familjarët e infermierëve të vdekur nga CIVID-19
Oda e Infermierëve ndanë nga njëmijë euro për familjet e infermierëve që kanë vdekur nga Covid-19. Vendimi është marrë nga Këshilli Drejtues i Odës së Infermierëve të Kosovës
Prishtinë, 2 tetor
Oda e Infermierëve, Mamive dhe profesionistëve tjerë shëndetësor ka vendosur të mbështesë financiarisht familjet e infermierëve të cilët kanë humbur jetën nga Covid 19.
Vendimi është marrë nga Këshilli Drejtues i Odës së Infermierëve të Kosovës.
“Në emër të ndihmës dhe solidarizimit, Oda e Infermierëve të Kosovës ndanë shumën financiare prej 800 (tetëqind) euro për të gjithë anëtarët e vdekur të OIK-ut, të cilët fatkeqësisht humbën jetën nga Corona Virus Covid 19, – mbështetur në nenin e 3 të rregullores për solidaritet dhe ndihmë reciproke me nr protokoli 7/2 të datës 23.01.2018, anëtarët e familjarit përfitojnë shumën prej 200 (dyqind) euro, gjithsejt totali i shumës 1000 (njëmijë) euro”, thuhet në vendimin e nënshkruar nga Muharrem Arifi, kryetar i Këshillit Drejtues të Odës së Infermierëve si dhe Kryetari i OIK-ut, Naser Rrustemaj.
Tutje aty sqarohet se familjarët e anëtarit kanë të drejtë në aplikim, duke i plotësuar kriteret dhe formularët pranë zyrave të OIK-ut.
DOKUMENTET E NEVOJSHME PËR APLIKIM:
- Kopja e dokumentit të identifikimit(Për aplikuesin dhe personin e vdekur)
- Çertifikata e vdekjes
- Dëshmia nga IKSHPK për test Pozitiv
- Fletëlëshimi i Spitalit
- Vërtetimi mjekësorë për vdekje
- Çertifikata familjare
- Kopja e xhirollogarisë bankare
- Vendimi: Kliko këtu
