Dakordim ndër-insitucional për hartimin e programeve për paramedikët
Prishtinë, 7 qershor –
Përfaqësues të Odës së Infermierëve, mamive dhe profesionistëve tjerë shëndetësorë kanë pritur në takim zyrtarë të Ministrisë së Shëndetësisë, përfaqësues të Forcës së Sigurisë së Kosovës si dhe këshilltarin e NATO-s në Ministrinë e Mbrojtjes dhe Forcës së Sigurisë së Kosovës.
Temë diskutimi e këtij takimi të përbashkët ishte bashkëpunimi ndërinstitucional dhe ngritja e kapaciteteve të profileve infermierore, në theks të veçantë në fushën e emergjencave.
Kështu, pati një dakordim të përbashkët për të hartuar një program për profilin e paramedikëve.
Përfaqësues të Odës së Infermierëve, mamive dhe profesionistëve tjerë shëndetësorë kanë shprehur gatishmërinë e tyre për hartimin dhe programit në kuadër të programit të edukimit të vazhdueshëm profesional.
Në OIK u zotuan se të gjithë ata që do të përfundojnë trajnimin për paramedikë do t’i nënshtrohen procesit të profilizimit në kuadër të OIK.
