Dita Botërore e Shëndetit – Pa infermierët lufta me Covid 19 do të ishte e humbur

Dita Botërore e Shëndetit – Pa infermierët lufta me Covid 19 do të ishte e humbur

07/04/2021

Dita Botërore e Shëndetit: Pa infermierët lufta me Covid 19 do të ishte e humbur

Prishtinë, 07 prill 2021 – Jeta dhe shëndeti i qytetarëve është pika jetike në sfidën globale të shënimit të Ditës Botërore të Shëndetit, e cila shënohet çdo vit nga Organizata Botёrore e Shёndetësisë.

Në lufën me pandeminë COVID 19, janë infermierët ata që po tregojnë dije e guxim në ruajtjen, promovimin dhe kujdesin ndaj shëndetit të pacientëve, duke vënë shëndetin e qytetarëve mbi jetën dhe shëndetin e tyre dhe të familjarëve.

Oda e Infermierëve, Mamive dhe Profesionistëve tjerë shëndetësorë ka vlerësimet më të larta për përkushtimin e treguar nga anëtarët e saj në ofrimin e shërbimeve shëndetësore në situatë pandemie.

Janë infermierët, si komuniteti më i madh mjekësor në botë, pa të cilët lufta ndaj Covidit do të ishte e humbur.

Jetët e shumëta mes komunitetit dhe anëtarësisë tonë janë të pakthyeshme. Por, OIK do të kujtojë me krenari gjithë infermierët dhe punonjësit tjerë shëndetësorë që humbën jetën si pasojë e infektimit me virusin Covid 19.

OIK fton gjithë qytetarët e Kosovës të ndërgjegjsohen dhe të shtojnë kujdesin karshi infeksionit vdekjeprurës.

Kjo është ndihma më e madhe edhe për stafin shëndetësor, për të qenë në krye të detyrës. Urojmë që ky të jetë shënimi i fundit i Ditës Botërore të Shëndetit, kur bota sfidohet me një pandemi si kjo, që po merr pa kursyeshëm jetë njerëzish.

Me respekt

OIK

Menu