Infermieri i plagosur, vizitohet nga përfaqësuesi i OIK
Kryetari i Këshillit Drejtues të Odës së Infermierëve të Kosovës (OIK) Muharrem Arifi, i deleguar nga kryetari i Odës së Infermierëve të Kosovës Naser Rrustemaj, ka vizituar infermierin F.B., i cili është plagosur me thikë një ditë më parë në vendin e tij të punës.
Arifi, në emër të OIK ka shprehur shqetësimin e tij për atë që i ka ndodhur infermierit F.B., dhe i ka dëshiruar shërim të shpejt.
Kryetari i KD të OIK-ut, Muharrem Arifi, gjatë vizitës së kolegut F.B., ka përsëritur kërkesën e OIK që institucionet përgjegjëse të marrin masat e nevojshme për sigurinë në punë për të gjithë profesionistët shëndetësorë.
Arifi, në vizitën në Klinikën e Urologjisë është shoqëruar nga U.D. Drejtori Ekzekutiv i Shërbimit Klinik dhe Spitalor, Dr. Valbon Krasniqi.
OIK një ditë më parë ka dënuar sulmin qyqar ndaj infermierit dhe ka kërkuar ndëshkim sipas ligjeve ndaj kujtdo që mund të çojë dorë mbi mantelbardhët, të cilët nuk po kursejnë as shëndetin e tyre për t’iu dalë në ndihmë pacientëve në kohë pandemie.
