Këshilli Drejtues pranon 20 pikë akredituese të gjitha profileve shëndetësore nën përgjegjësinë e OIK-ut
Duke vlerësuar gjendjen e krijuar nga situata e emergjencës – pandemisë Covid 19, Këshilli Drejtues i Odës së Infermierëve të Kosovës (OIK), duke pasë parasysh pamundësinë e arritjes së pikëve të nevojshme, si kriter për ri-licencim, ka vendosur që gjitha profileve shëndetësore t’iu pranojnë dhe nga 10 pikë akredituese, që ishin paraparë të arrihen në sesionin vjeshtor.
Këshilli Drejtues i OIK-ut vlërësoi se për shkak të vazhdimit të gjendjes së krijuar nga situata e emergjencës – pandemisë Covid 19, në situatën e tillë, Oda e Infermierëve të Kosovës e ka të pamundur të zhvilloj programin e Edukimit të Vazhdueshëm Profesional për sezonin vjeshtor.
Andaj, në bazë të rekomandimeve nga Ministria e Shëndetësisë dhe IKSHP në pamundësi të arritjes së pikëve të nevojshme si kriter për ri licencim, Këshilli Drejtues vendosi t’iu pranojë gjitha profileve shëndetësore nën përgjegjësinë e OIK-ut 20 (njëzet) pikë akredituese të parapara nga Edukimi i Vazhdueshëm Profesional për vitin 2020.
Dhjetë pikë ishin pranuar nga sezoni pranveror dhe dhjetë tjera pranohen me këtë vedim. Ndërkaq, infermierëve iu nevojiten gjithsej 80 pikë për ri-licencim.
Vendimet mund ti gjeni në ueb-faqën e OIK-ut: kliko këtu 
