Konsultim Publik për Statutin e OIK dhe Rregulloreve tjera
Qëllimi i procesit të konsultimit
Transparenca dhe kontribut dhënia.
OIK jep në konsultimpublik:
- Draft Statutin e Odës së Infermierëve, Mamive dhe Profesionistëve tjerë Shëndetësorë,
- Draft Rregulloren për punën e Kuvendit të OIK,
- Draft Rregulloren për Regjistrimin e profesionistëve të OIK,
- Rregulloreve për Licencim dhe Ri licencimin e profesionistëve të OIK,
- Rregulloren për Licencimin dhe Ri licencimin e Psikologëve Klinik, si dhe
- Rregulloren për Licencimin dhe Ri licencimin e Logopedëve.
Në këtë fazë dokumentet shpalosen për konsultim publik me qëllim të marrjes së ideve, komenteve dhe rekomandimeve nga opinioni i gjerë, organizatat, ekspertët dhe individët e interesuar e që janë të ndikuar apo janë në relacione bashkëpunimi lidhur me kapacitetet në fushën e shëndetësisë.
Në kuadër të saj, OIK do të jap në konsultime publike me palët e interesit nga data 12/06/2024 deri me datë 25/06/2024.
Pas përmbylljes së procesit të konsultimit publik, të gjitha kontributet e pranuara do të shqyrtohen e vlerësohen dhe mbi bazën e kritereve për këtë dokument do të integrohen në versionin përfundimtar i cili do të dërgohet për aprovim te Kuvendi i OIK-ut.
Oda e Infermierëve të Kosovës do të hartojë raportin e konsultimit duke i ngërthyer të gjitha komentet, propozimet e pranuara. Në raport gjithashtu do të jepen informatat për secilin koment apo rekomandim që është marrë parasysh si dhe sqarime dhe arsyetime për secilin koment që nuk është marrë parasysh.
Të gjitha kontributet me shkrim duhet të dorëzohen në formë elektronike në e-mail adresën: [email protected] me titull (subject) “KOMENTET STATUTI I OIK-ut” apo për Rregulloren përkatëse.
E-mail duhet përfshirë edhe të dhënat tjera si:
– Emri dhe mbiemri i personit që jep komente,
– Profesioni,
– Informatat e kontaktit (adresa, e-mail, telefoni),
– Data e dërgimit të komenteve.
Ju lutemi që në kuadër të kontributit tuaj me shkrim, të specifikoni qartë së në çfarë cilësie jeni adresuar në këtë proces konsultimi (p.sh. në cilësi të përfaqësuesit të organizatës, kompanisë, në cilësi individuale, etj.)
Bashkëngjitur me njoftim mund ta hapni të gjitha aktet për konsultim publik, duke klikuar më poshtë
