Miratohet ankesa e Odës së Infermierëve kundër Gazetës Shneta
Këshilli i Mediave të Shkruara të Kosovës ka miratuar ankesën e parashtruar nga Naser Rrustemaj, kryetar i Odës së Infermierëve të Kosovës kundër Gazetës Shneta, për artikullin “Kryetari i Odës së Infermierëve ia cakton rrogën vetes 1500 euro”.
Prishtinë, 17 korrik –
Në Vendimin e Këshillit të Mediave të Shkruara të Kosovës me numër reference: 11.06.2019\800-2019, konstatohen shkeljet e Kreut II dhe Kreut IV të Kodit të Mediave të Shkruara nga ana e Gazetës Shneta.
“Gazeta ka bërë shkeljen e Kreut II (Raportimi i së vërtetës)”, thuhet në Vendim.
Tutje, aty potencohet se Gazeta Shneta nuk i ofron mundësinë ankuesit që të ballafaqohet me argumentet që pretendon shkrimi duke shkelur edhe Kreun IV të Kodit të Mediave të Shkruara (e drejta për t’u përgjigjur).
Gazeta po ashtu, sipas vendimit të Këshillit, nuk ka arritur ta argumentojë para publikut se shuma e pagës së pretenduar dhe jo reale, është caktuar nga vet personi, në këtë rast ankuesi.
Sipas vendimit të Këshillit të Mediave të Shkruara, kryetari i OIK-ut, Naser Rrustemaj, ka paraqitur prova të mjaftueshme që dëshmojnë të kundërtën e asaj që thotë artikulli.
Me gjithë këto të pavërteta të publikuara nga Gazeta Shneta, Oda e Infermierëve të Kosovës do vazhdojë të jetë institucion transparent dhe i hapur për publikun.
Po ashtu, përmes rrugëve ligjore, OIK do të kërkojë përgjegjësi për dëmin e shkaktuar ndaj Institucionit dhe Kryetarit Rrustemaj.
Vendimi: 
