OIK inicion draft-ligjin për Infermierinë dhe profesionistët tjerë shëndetësorë
Prishtinë, 6 tetor – Oda e Infermierëve, Mamive dhe Profesionistëve tjerë shëndetësorë ka iniciuar draftimin e Ligjit për Infermierinë dhe Profesionistët tjerë shëndetësorë.
Ky ligj, deri më tani i ka munguar komunitetit infermieror dhe profesionistëve tjerë shëndetësorë.
Drafti tashmë është në fazën e mbajtjes së debatit publik me ç’rast javën që vjen do të mbahen debate publike në gjithë Kosovën, ku do të merren nga komuniteti rekomandime, komente dhe sygjerime në lidhje me këtë draft ligj.
Pas përfundimit të debatit publik në lidhje me draft ligjin, i njejti do të procedohet në Ministrinë e Shëndetësisë nga ku më pas do t’i procedohet instancave tjera përgjegjëse për miratimin e këtij ligji.
OIK vlerëson se ky ligj është mëse i domosdoshëm për t’u miratuar sa më shpejt, pasi përmes këtij ligji përcaktohen kompetencat, roli dhe përgjegjësitë e infermierëve në sektorin shëndetësor.
