OIK kërkon furnizim stabil me pajisje për infermierët
Oda e Infermierëve të Kosovës ka kërkuar nga Ministria e Shëndetësisë që të sigurohen pajisje dhe materiale të bollshme për infermierët dhe profesionistët tjerë shëndetësorë që janë në vijën e parë të frontit në luftimin e koronivisursit COVID 19
Prishtinë, 17 mars 2020
Kryetari i Odës së Infermierëve të Kosovës Naser Rrustemaj ka marrë pjesë në takimin e organizuar nga ministri i Shëndetësisë, Arben Vitia me drejtues të institucioneve shëndetësore dhe përfaqësues të organizatave të komunitetit mjekësor.
Në këtë takim kryetari i OIK-ut, Naser Rrustemaj ka kërkuar nga ministri i shëndetësisë që të sigurohen pajisje dhe materiale të bollshme për infermierët dhe profesionistët tjerë shëndetësorë. “Infemierët janë të vijën e parë të frontit në luftimin e koronivisursit COVID 19 dhe për këtë duhet siguruar sasi të mjaftueshme të materialeve, që do të mbronin edhe stafin mjekëor nga përhapja e virusit”, ka thënë Rrustemaj.
Në anën tjetër, siç ka raportuar Ministria e Shëndetësisë, gjatë këtij takimi është diskutuar për situatën në terren pas shpalljes së gjendjes emergjente nga ana e Qeverisë së Kosovës, sipas rekomandimeve të Minsitrisë së Shëndetëisisë.
Ministri Arben Vitia i njoftoi përfaqësuesit e institucioneve dhe organiztave shëndetësore me nje varg masash të cilat tashmë janë ndërmarrë nga Ministria e Shëndetëisë pasi që ato janë aprovuar paraprakisht nga Komiteti për Koordinim dhe Vlerësim të Situatës Emergjente lidhur me virusin Covid-19.
Në këtë takim është propozuar që të këtë lehtësime për stafin mjekësor më të moshuar; të inkuadrohen vullnetarët që kanë shprehur gatishmërinë, organizimi i ekipeve mobile për vizita të qytetarëve që kanë shenja të dyshimit në COVID-19, furnizimi me materiale mbrojtëse i zonave ku janë ndaluar hyrje-daljet, etj.
