OIK konsolidon Këshillin Drejtues, Këshillin Mbikqyrës dhe zgjedh dy nënkryetarë
Prishtinë, 27 mars –
Oda e Infermierëve, mamive dhe profesionistëve tjerë shëndetësorë ka mbajtur Kuvendin e dytë të legjislaturës së tretë me ç’rast ka zgjedhur kryetarin, anëtarët e Këshillit Drejtues të OIK si dhe dy nënkryetarët.
Kryetar i Këshillit Drejtues të OIK është zgjedhur Bashkim Mehmeti me 105 vota kundrejt kundërkandidatit Enlirat Duraku i cili ka marrë 59 vota.
Kurse nënkryetarë të Odës së infermierëve, mamive dhe profesionistëve tjerë shëndetësorë nga kryetarja Nexhmije Gori janë propozuar Leonora Bakija dhe Xhemajl Dugolli, të cilët kanë marrë miratimin e Kuvendit për këto pozita.
Po ashtu, Kuvendi ka zgjedhur edhe kryetarin e Këshillit Mbikqyrës z. Musë Baftiu si dhe anëtarët e këtij këshilli.
