Përfaqësuesit e OIK dhuruan gjak
Prishtinë, 11 maj –
Oda e infermierëve, mamive dhe profesionistëve tjerë shëndetësorë në bashkëpunim me Qendrën Kombëtare të Transfuzionit të Gjakut ka organizuar dhurim vullnetar të gjakut, në kuadër të aktiviteteve me rastin e javës së infermierisë.
Me këtë rast, drejtues të OIK, anëtarë të Kuvendit si dhe të organeve drejtese kanë dhuruar gjak.
“Është kënaqësi që pos ndihmës profesionale dhe kontributin e përhershëm të infermierëve në shpëtimin e jetëve të mijëra pacientëve, sot po kontribuojmë edhe në një formë tjetër, përmes dhurimit të gjakut”, ka thënë kryetarja e OIK znj. Nexhmije Gori.
