Profilizimi Profesional
Profilizimi profesional është procesi i legalizimit të profilit specifik të vendit të punës për profile për të cilat nuk ekziston shkollim adekuat i akredituar, por kompetencat profesionale janë fituar përmes përvojës së punës ose aftësimit profesional.
Përvoja profesionale
Kriteri bazë për kandidatët që nuk e dëshmojnë aftësimin profesional me kurs për profilin specifik.
Afati për barasvlerësim
Afati i përcaktuar me vendimin e Këshillit Drejtues.
Çfarë është profilizimi profesional?
Kush mund të aplikojë?
Vendi specifik i punës
Anëtari duhet të jetë i sistemuar në një vend specifik pune brenda katalogut të profileve zyrtare në shëndetësi, me thirrje jashtë profilit të licencuar.
Mbi 5 vite përvojë
Për kandidatët që nuk dëshmojnë kurs për aftësim profesional kërkohen mbi 5 vite përvojë pune në profilin specifik.
Institucion shëndetësor
Përvoja duhet të jetë fituar në institucion shëndetësor publik ose privat të licencuar nga Ministria e Shëndetësisë.
Dokumentet e nevojshme
Për aplikuesit
- Kontrata e punës.
- Dokumentacioni që dëshmon përvojën e punës në profilin specifik.
- Kur është ndjekur kurs për aftësim profesional, certifikata nga institucioni përkatës.
Për institucionet private
- Dëshmia e licencimit të institucionit.
- Dëshmia nga Trusti Pensional.
- Dokumentet e tjera të kërkuara sipas procedurës.
Kur lirohet kriteri i përvojës dhe kur nuk lejohet profilizimi?
Kursi për aftësim profesional
Kandidati që ka vijuar kursin për aftësim profesional për profilin për të cilin aplikon dhe e dëshmon me certifikatë nga institucioni përkatës, lirohet nga kriteri i përvojës mbi 5 vite.
Kur nuk lejohet profilizimi
Për profilet për të cilat ekziston shkollim i akredituar për fushën specifike, profilizimi nuk lejohet.
Afati për barasvlerësim
Afati i fundit
Barasvlerësimi sipas vendimit të Këshillit Drejtues mund të realizohet deri më 31 dhjetor 2026.
Taksa administrative
Me rastin e licencimit të këtyre profileve zbatohet në mënyrë analoge Rregullorja për Taksat Administrative për Licencim.
FAQ
A është profilizimi pjesë e rilicencimit?
Jo. Profilizimi është procedurë e veçantë administrative për barasvlerësimin e profilit specifik të vendit të punës.
A kërkohen patjetër mbi 5 vite përvojë?
Jo nëse kandidati dëshmon se ka ndjekur kurs për aftësim profesional për profilin përkatës.
A lejohet profilizimi kur ekziston shkollim i akredituar?
Jo. Për profilet për të cilat ekziston shkollim i akredituar për fushën specifike, profilizimi nuk lejohet.
Çfarë kërkohet nëse nuk kam kurs për aftësim profesional?
Kërkohet dëshmi nga tre profesionistë shëndetësorë specialistë të fushës përkatëse për shkathtësitë dhe kompetencat profesionale të kandidatit.
Për më shumë informata
Kontaktoni Zyrën për Licencim të OIK-ut për procedurën e profilizimit profesional.