Kriteret e aplikimit për Ri-licencim:

• Kopja e Letërnjoftimit
• Extrakti i lindjes apo Çertifikata e kurorzimit (për femra të kurorzuara )
• Diploma e Noterizuar
• Kopja e Licencës së Skaduar
• Kopjet e çertifikatave të trajnimeve pas dates së lëshimit të licencës
• Kontrata e Punës për Sektorin Privat
• Nëse nuk jeni në mardhënje pune vërtetimin nga Trusti Pensional i Kosoves për 6 muajt e fundit.
• 100 pikë akredituese, përpos kur OIK merr vendim ndryshe
  • Sipas vendimit të KD të OIK në pamundësi të organizimit të trajnimeve, janë falur 20 pikë akredituese për vitin 2020.
    • 10 pikë akredituese për sesionin pranveror: Kliko këtu
    • 10 pikë akredituese për sesionin vjeshtor: Kliko këtu

Aplikimi për Ri licencim përmes pikëve kredituese të arritura nga Edukimi i Vazhdueshëm Profesional mund të bëhet deri në 6 muaj nga data e skadimit të afatit të licencës!

Të gjithë kandidatëve, të cilëve iu ka skaduar afati i licencës më shumë se 6 muaj nga data e skadimit, pa marrë parasysh sigurimin e pikëve kredituese, obligohen të ju nënshtrohen provimit profesional të ri licencimit.

Vërejtje: Komisioni përkatës mund të ju kërkoj ti sjellni certifikatat origjinale për verifikim!

Mundësitë e refuzimit:

Pas Shqyrtimit të lëndës nga komisioni për Valorizim mundësia për refuzim egziston nëse:

• Dokumetet nuk janë të kompletuara,
• Dokumetet nuk janë të skanuara,
• Dokumenti i identifikimit i skaduar(Letërnjoftim apo pasaportë),
• Extrakti i lindjes apo Çertifikata e martesës(për femra të martuara) është më e vjetër se 6 muaj,
• Çertifikatat e trajnimeve nuk posedojnë  data dhe nuk janë të vulosura,
• Pikë të pamjaftueshme  nga trajnimet e mbajtura (kriteri i pikëve: 100 pikë, përpos kur OIK merr vendim ndryshe).
• Mos përmbushja e kritereve të aplikimit për Ri licencim me pikë kredituese brenda afatit 6 mujor nga data e skadimit të afatit të licencës!

Vërejtje: Komisioni përkatës mund të ju kërkoj ti sjellni certifikatat origjinale për verifikim!

24.04.2024 Vendim – Për kriteret dhe procedurat e provimit profesional të Ri licencimit

Mundësit e pagesës

Anëtarsimi i domosdoshëm
Pagesa për Ri-licencim me Bachelor – 40€
Pagesa për Ri-licencim me Shkollim të Lartë – 40€
Pagesa për Ri-licencim me Shkollim të Mesëm – 30€

Lirimi nga pagesa:Prej pageses për Ri-Licencim lirohen Kategoritë e dalura nga Lufta,(Veteran, Deshmorë, Invalid të luftës, viktima civile dhe familjarët e tyre, duke sjellë çertifikatën ose kartelën, apo të na dërgoni të skanuar përmes email, gjithashtu duhet bashkangjitur extrakti i lindjes apo dëshmin e lidhjes familjare).

Nëse pagesa bëhet në njërën nga degët e Western Union, Capital Ria apo VllesaPagesa nuk keni nevoj të na sjellni fletëpagesen për verifikim vetëm ta mbani si dëshmi!

Nëse pagesa bëhet në institucionet tjera bankare sigurohuni ti shkruani saktë të dhënat e faturës, Emrin dhe Mbiemrin, Përshkrimin e faturës dhe numrin serik!

Kriteret e aplikimit

Kandidatët të cilët nuk përmbushin kriterin për ri licencim, duhet të ju nënshtrohen provimit profesional të Ri licencimit.

Në mbështetje të nenit 9 paragrafi 1.3 të Ligjit për Odat e Profesionistëve Shëndetësor Nr.04/L-150, nenit 14 paragrafi 1.3, nenit 26 të Statutit të Odës së Infermierëve, Mamive dhe Profesionistëve tjerë Shëndetësorë, dhe vendimit të Këshillit Drejtues, me date 22.04.2024 nxjerrë këtë:

1. Të drejtë për hyrje në provim kanë kandidatët të cilëve i ka skaduar afati i licencës në periudhë prej jo më shumë se 60 ditësh para skadimit të licencës, dhe të cilët nuk kanë arritur kriterin e paraparë të pikëve kredituese për ri licencim.
2. Kandidatëve të cilëve iu ka skaduar licenca në afat jo më shumë se 6 muaj kanë të drejtë në ri licencim duke iu valorizuar pikët kredituese të fituara në afatin kohor 6 muaj nga data e skadimit.
   • Kandidatët të cilët kanë fituar së paku 50% të pikëve brenda afatit kohor 6 muaj nga data e skadimit, por që nuk kanë arritur kriterin për ri licencim përmes edukimit të vazhdueshëm profesional, paguajnë 50% nga taksa e përcaktuar me vendim të Këshillit Drejtues me nr. Prot 637 të datës 04/05/2023.
   • Të gjithë kandidatët të cilët posedojnë 0-49 pikë kredituese, paguajnë taksën e plotë për provimin profesional të përcaktuar me vendim të Këshillit Drejtues me nr.prot 637 të datës 04/05/2023.
   • Kandidatët e pa punësuar Anëtarë të OIK, brenda afatit kohor 6 muaj nga data e skadimit paguajnë taksën 50% nga taksa e përcaktuar me vendim të veçantë të Këshillit Drejtues. Kandidatët duhet të dëshmojnë përmes vërtetimit nga Trusti Pensional i Kosovës.
3. Të gjithë kandidatëve, të cilëve iu ka skaduar afati i licencës më shumë se 6 muaj nga data e skadimit, pa marrë parasysh sigurimin e pikëve kredituese, obligohen të ju nënshtrohen provimit profesional të ri licencimit, dhe paguajnë taksën e plotë të provimit të përcaktuar me vendim të Këshillit Drejtues me nr. Prot 637 të datës 04/05/2023.
4. Kandidatët të cilët arsyetojnë me dëshmi mjekësore mos arritjen e pikëve kredituese për ri licencim dhe mos aplikimin me kohë për shkak të sëmundjes, lirohen nga obligimi i arritjes së pikëve akredituese për kohën të cilën e dëshmon me raport mjekësor në të cilën konstatohet natyra serioze e sëmundjes.
5. Kandidati i cili ka dështuar në njërën nga lëndët e Provimit Profesional të Ri licencimit lirohet nga kjo taksë për Ri provim në atë lëndë, ndërsa kandidati i cili ka dështuar në dy apo më shumë lëndë të provimit profesional të Ri licencimit, obligohet ti nënshtrohet të gjitha provimeve dhe të paguaj taksën e plotë të provimit.

Aplikimi

Aplikimi bëhet përmes platformës online.

Për të aplikuar për Rilicencim me provim pasi të kyqeni në profilin tuaj duhet të klikoni menynë LICENCAT pastaj butonin APLIKONI PER PROVIMIN E RI LICENCIM

Hapi i parë për të aplikuar për Provimin e Ri-Licencimit është deklarimi i statusit të punësimit, nëse jeni të punësuar duhet ti shkruani të dhënat e institucionit ku punoni, për sektorin Privat nevojitet Kontrata e punës dhe deklarimi i pagës Neto, nëse nuk jeni në marëdhënje pune duhet ta ngarkoni dëshminë nga Trusti Pensional i Kosovës për 6 muajt e fundit.

Hapi i dytë është selektimi i licences me të cilen doni të bëni aplikimin për ri licencim, nëse ajo licencë e cila doni të aplikoni për ri licencim nuk gjendet në listë atëherë mund të shtoni atë duke klikuar butonin “Shto licencë” dhe të shkruani të dhënat e licencës në mënyrë të saktë (të përshkruhet si në licencë!).

Më pas duhet të bëhet ngarkimi i dokumenteve si Kopja e Licencës, Kopjet e çertifikatave të aktiviteteve të EVP-së pas datës së lëshimit të licencës që posedoni (Të gjitha çertifikatat të skanuara në një fajll), si dhe Ekstrakti i lindjes, jo më të vjetër se 6 muaj.

Pasi ta pranoni Deklaratën nën betim aplikoni për Rilicencim përmes provimit, dhe pas aplikimit me sukses do ta pranoni faturën në email të cilën mund ta paguani në njërën nga degët më të afërta të Western Union, Capital Ria apo VllesaPagesa.

Pas konfirmimit të pagesës, aplikimi fillimisht do të jetë në pritje për vlerësimin e pikëve të poseduara, dhe pas vlerësimit do të njoftoheni përmes e-mail për numrin e pikëve dhe do të pranoni faturën për provim sipas vendimit të KD.

Të gjithë kandidatëve të cilët komisioni përkatës vlerëson pikët nga 0 deri në 49 taksa për paraqitjen e provimit përcaktuar  me vendim të Këshillit Drejtues me nr. Prot 637 të datës 04/05/2023 është 200€, ndërsa aplikuesve të cilëve komisioni përkatës vlerëson 50 pikë e më shumë brenda afatit kohor 6 muaj nga data e skadimit taksa për paraqitjen e provimit është 100€. Kandidatët e pa punësuar Anëtarë të OIK, brenda afatit kohor 6 muaj nga data e skadimit paguajnë taksën 50% nga taksa e përcaktuar  me vendim të Këshillit Drejtues. Kandidatët duhet të dëshmojnë përmes vërtetimit nga Trusti Pensional i Kosovës.

Nga momenti i konfirmimit të pagesës për Provimin Profesional do të jeni në listë për të ju nënshtruar provimit i cili organizohet në çdo fund të muajit.

Kandidati i cili ka dështuar në njërën nga lëndët e Provimit Profesional të Ri licencimit lirohet nga kjo taksë për Ri provim në atë lëndë, ndërsa kandidati i cili  ka dështuar në dy apo më shumë lëndë  të Provimit Profesional të Ri licencimit  obligohet ti nënshtrohet të gjitha provimeve dhe të paguaj taksën e provimit.

Provimi mbahet në  ambientet e OIK-ut.

Pyetjet për Provimin Profesional të Rilicencimit: kliko këtu