Njoftim për Përditësimin e profilit në Platformën Online të OIK
Të nderuar anëtarë të OIK-ut
Oda e infermierëve, Mamive dhe Profesionistëve tjerë Shëndetësorë të Kosovës (OIK) që nga 24.04.2019 ka lansuar Platformën Online për Menaxhimin e Profesionistëve Shëndetësorë, me të cilën që nga ajo kohë 90% e procedurave të aplikimit kanë kaluar në formë Online.
Ftojmë të gjithë ata të cilët janë anëtarë të OIK, posedojnë licencë dhe ende nuk e kanë të përditësuar profilin e tyre dhe nuk kanë kartel të anëtarësisë që të bëjnë Përditësimin e të dhënave përmes platformës online të OIK.
Përmes këti linku ( http://app.oik-ks.org/account/updatenewuser ) në fushën Kërko sipas numrit personal mund të identifikoheni dhe do të ju paraqiten të dhënat e juaja të cilat gjenden në databazën tonë, ato të cilat janë të pa plotësuara mund ti plotësoni apo ato që janë gabim ti përmirësoni.
Në hapin e parë do të ju kërkohen dokumentet në formë të skanuar si
- Letërnjofimi, lejeqëndimi, apo pasaporta valide e Republikës së Kosovës,
- Extrakti i lindjes
- Si dhe një fotografi për profil e cila paraqitet në kartelën e anëtarësisë, fotografia duhet të jetë në format biometrik (e ngjajshme me letërnjoftim dhe pasaportë).
Pas këtijë hapi do të kaloni në hapin e të dhënave të shkollimit, të cilat duhet ti përditësoni varësisht sipas shkollimit të vendosur, dhe ti ngarkoni dokumentet të cilat kërkohen.
Në fund pasi të përfundoni përditësimin e të dhënave në e-mailin të cilin keni vendosur do të pranoni të dhënat e kyçjes në profilin tuaj dhe kartelën e anëtarësisë!
Kartelën e anëtarësisë mund ta tërhiqni në zyret e OIK pasi të keni pranuar e-mailin.
Me të dhënat të cilat i pranoni në e-mailin tuaj mund të kyçeni në profil dhe të përdorni shërbimet të cilat i ofron platforma, si për shembull:
- Të kontrolloni numrin e anëtarësisë;
- Të përditësoni të dhënat personale;
- Të rivendosni fjalëkalimin;
- Të përditësoni fotografinë e profilit dhe dokumenteve;
- Të kontrolloni licencat tuaja, skadimin e licencës;
- Të aplikoni për Licencim apo Ri Licencim;
- Të shtoni shkollimin e ri;
- Të shtoni çertifikatat nga EVP;
- Të kontrolloni pagesat a anëtarësisë, borxhin e anëtarësisë, dhe të gjeneroni faturën e borxhit;
- Të shtoni të dhënat e punësimit tuaj aktual;
- Të verifikoni nëse keni ndonjë shkelje eventuale;
- Të kontrolloni përfitimet eventuale nga Fondi i Solidaritetit.
- Dhe shërbime tjera të cilat do të përditësohen vazhdimisht!
Përmes këti linku mund të ndjekni videon informuese rreth përditësimit të profilit tuaj! https://youtu.be/qD28_hoOe3w
Prandaj ju ftojmë që të Përditësoni profilin tuaj dhe të dhënat e juaja, në mënyrë që të jeni në hap me zhvillimet dhe shërbimet që ofron OIK
