Oda e Infermierëve kujton infermierët që vdiqën nga Covid 19
Prishtinë, 16 shkurt –
Oda e Infermiëve, Mamive dhe Profesionistëve tjerë shëndetësorë në shenjë nderimi për gjithë profesionistët shëndetësorë shënon 16 shkurtin si Ditë të Memorialeve për profesionistët shëndetësorë kosovarë që kanë vdekur gjatë pandemisë Covid 19.
Pjesë e gjitha organizimeve me rastin e kësaj dite në kujtim të gjithë profesionistëve shëndetësorë është Oda e Infermierëve, Mamive dhe Profesionistëve tjerë shëndetësorë, e cila bashkë edhe me odat tjera kanë vënë gurthemelin për ndërtimin e obeliskut që i dedikohet stafit shëndetësor të vdekur nga Covid 19 në Kosovë, e që përurohet sot.
16 shkurti, Dita e Memorialeve për profesionistët shëndetësorë kosovarë do të shënohet tradicionalisht me aktivitete që kujtojnë kontributin e infermierëve, mamive dhe profesionistëve tjerë shëndetësorë, që kanë vdekur nga Covid 19.
Si pasojë e infektimit me koronavirus, në Kosovë kanë humbur jetën 11 infermierë.
Naser Rrustemaj
Kryetar i OIK
