OIK organizon Edukim të Vazhdueshëm Profesional për profile të veçanta
Në bazë të Ligjit për Odat e Profesionistëve Shëndetësorë (OPSH), Oda e Infermierëve, Mamive dhe Profesionistëve të Tjerë Shëndetësorë të Kosovës (OIK), përmes Zyrës për Licencim dhe Ri-licencim të Psikologëve, Ergoterapeutëve dhe Logopedëve, organizon Edukim të Vazhdueshëm Profesional (EVP) falas për anëtarët e këtyre profileve.
EVP do të mbahet online përmes platformës Zoom më 10 dhjetor 2024, sipas orarit të mëposhtëm:
Psikolog Klinik
• 10:00 – Trajtimi i Traumës: Terapia Familjare
• 10:45 – Trajtimi i Ankthit me CBT
• 11:30 – Shëndeti Mendor: Ndikimet psikologjike të burnout
Logoped
• 12:00 – Çrregullimet e zërit, të folurit dhe gjuhës
• 12:45 – Logopedia: Vështirësitë dhe trajtimi
• 13:30 – Belbëzimi dhe mënyrat e trajtimit të tij
Ergoterapi
• 14:00 – Edukimi jetësor i bazuar në dëshmi
• 14:45 – Roli i Ergoterapisë në inkuadrimin në punë të personave me aftësi të kufizuara
• 15:30 – Ndikimi i Ergoterapisë në aktivitetet e jetës së përditshme tek personat me aftësi të kufizuara
Ftesat dhe të dhënat e lidhjes në Zoom do t’u dërgohen të gjithë anëtarëve të këtyre profileve që janë të regjistruar në databazën e OIK.
Ju lutemi, të gjithë ata që ende nuk e kanë përditësuar profilin e tyre në platformën online, të bëjnë sa më parë përditësimin e të dhënave dhe të konfirmojnë adresën e tyre aktive të emailit.
OIK inkurajon të gjithë anëtarët nga këto profile të marrin pjesë në këtë aktivitet, i cili kontribuon në zhvillimin e tyre profesional dhe në akumulimin e pikëve për procesin e ri-licencimit.
Me respekt,
Oda e Infermierëve, Mamive dhe Profesionistëve të Tjerë Shëndetësorë të Kosovës
