Kuvendi është organi më i lartë i Odës i cili ushtron të gjitha të drejtat dhe përgjegjësitë të parapara me Ligj dhe këtë statut.
Mënyra e zgjidhjes dhe revokimit të anëtarëve të Kuvendit të Odës përcaktohet me rregulloren mbi procedurën e kandidimit dhe revokimit të anëtarëve të Kuvendit të Odës dhe të organeve tjera të Odës.
Anëtarët e Kuvendit të 0IK zgjidhen me votim të drejtpërdrejtë në njësit zgjedhore të përcaktuara nga komisioni qendror zgjedhor i Odës së Infermiereve, Mamive dhe Profesionistëve tjerë Shëndetësor.
Kompetencat e Kuvendit
Kuvendi është organi më i lartë i Odës, i cili ka këto përgjegjësi dhe autorizime:
- Miraton, ndryshon dhe p1otëson statutin dhe aktet e tjera normative;
- Miraton kodin e etikës profesionale;
- Miraton programin e punës së Odës;
- Miraton rregulloren e punës së Odës;
- Zgjedh dhe shkarkon Kryetarin;
- Miraton dhe shkarkon anëtarët e Keshillit Drejtues të Odës;
- Zgjedh dhe shkarkon Kryetarin, Zëvëndës Kryetarin dhe anëtarët e Këshillit Etik;
- Zgjedh dhe shkarkon Kryetarin dhe anëtarët e Këshillit Mbikqyrës;
- Zgjedh dhe shkarkon Kryetarin dhe anëtarët e Gjyqit të Nderit;
- Zgjedh dhe shkarkon Prokurorin e Odës;
- Zgjedh dhe shkarkon Kryetarin dhe anëtarët e Komisioneve të Përhershme të Odës;
- Percakton lartësine e anëtarësisë për anëtarët e Odës;
- Përcakton lartësinë e kompensimit (taksës) për anëtarët e Odës, taksën për licencim
dhe rilicencim si dhe lartësinë e taksës për lëshimin e çertifikatave, vërtetimeve dhe dokumenteve tjera për të cilat Oda mban evidencë zyrtare;
- Përcakton lartësinë e kompensimit për regjistrim në regjistrin e anëtarëve të Odës;
- Vendos për lartësinë e mjeteve të ndara për fondin e Odës për ndihmë reciproke të anëtarëvë të Odës;
- Shqyrton dhe miraton raportet e punës së organeve të Odës;
- Miraton raportin vjetor të Odës;
- Miraton raportin financiar dhe llogarinë përfundimtare të Odës;
- Miraton raportin mbi punën e Këshillit Drejtues të Odës;
- Merr vendim për shkarkim të Kuvendit të Odës dhe shpallë zgjedhjet e parakohshme.
- Vendos për anëtarësim të Odës në organizatat ndërkombëtare si motra, merr vendime për ndarjen e mirënjohjeve dhe shpërblimeve të Odës.
Shqyrton dhe merr qëndrime parimore për çështjet me rëndësi për punën e Odës.
Mbledhjet e Kuvendit të Odës janë publike dhe mund të mbahen nese janë prezent me shumë se gjysma e anëtarëve, nga numri i përgjithshëm i anëtarëve të Kuvendit të Odës.
Mbledhjen e Kuvendit të Odës e udhëheq Kryetari i Odës.
Votimi për pikat e rendit të ditës është i hapur perveç në raste kur Kuvendi vendos ndryshe.
Statuti i Odës ndryshimet dhe plotësimet e tij miratohen me votimin e 2/3 të anëtarëve nga numri i përgjithshëm i anëtarëve të Odës .
Vendimet tjera Kuvendi i merr me shumicën e thjeshtë të anëtarëve prezentë.
Me rregulloren mbi punën e Kuvendit të Odës më për së afërmi përcaktohen mënyrat e konvokimit të mbledhjeve të Kuvendit, e udhëheqjes së mbledhjes së Kuvendit dhe mënyra e marrjes së vendimeve, dhe çështje tjera procedurale dhe teknike për mbaravajtjen e mbledhjeve të Kuvendit
Me propozim të Këshillit Drejtues, Këshillit Mbikqyrës, ose e anëtarëve të Odës Kryetari i Odës është i obliguar të thërras mbledhjen e jashtëzakonshme të Odës në afat prej 15 ditësh nga dita e pranimit të propozimit.
Propozimi nga paragrafi 1 i këtij neni duhet të formulohet me shkrim së bashku me materialin e rendit të ditës.