OIK organizon Edukim të Vazhdueshëm Profesional për të gjithë anëtarët
OIK organizon Edukim të Vazhdueshëm Profesional për të gjithë anëtarët
Mbështetur në ligjin për Odat e Profesionistëve Shëndetësor (OPSH) Oda e Infermierëve, Mamive dhe Profesionistëve tjerë Shëndetësorë të Kosovës (OIK) në kuadër të sesionit vjeshtor organizon Edukim të vazhdueshëm profesional FALAS për të gjithë anëtarët, të punësuarit në sektorin publik, sektorin privat dhe ata të pa punë, në 7 regjionet e Republikës së Kosovës me pjesëmarrje fizike.
Temë diskutimi do të jenë:
- Legjislacioni, Etika dhe Standardet Profesionale
Diskutohet rëndësia e kuadrit ligjor, çështjeve etike, dhe mbajtjes së standardeve profesionale në praktikën e përditshme. - Ndikimi i Komunikimit dhe Bashkëpunimi
Theksohet rëndësia e komunikimit të qartë dhe bashkëpunimit ndërdisiplinor në mes të profesionistëve për përmirësimin e cilësisë së kujdesit shëndetësorë. - Mbingarkesa në Punë dhe Menaxhimi i Shëndetit dhe Sigurisë
Fokusohet në menaxhimin e stresit, mbrojtjen e shëndetit mendor dhe sigurinë në vendin e punës për profesionistët shëndetësorë.
Aktiviteti është akredituar nga KEVP me 4 pikë për ligjeratë apo në total 3 ligjerata 12 pikë!
Pjesëmarrës në takim do të jetë edhe kryetarja e OIK- znj. Nexhmije Gori me bashkëpunëtorë.
Trajnimet në regjione do të organizohen sipas datave:
| NR | Data | Orari | REGJIONI | Lokacioni |
| 1 | 26.10.2024 | Grupi 1: 09:00
Grupi 2: 13:00 |
PRISHTINË | Venus Hotel, magjistralja Prishtinë-Lipjan |
| 2 | 02.11.2024 | 09:00 – 11:00 | PRIZREN | Amfiteatri i Universitetit “Ukshin Hoti” Prizren |
| 3 | 09.11.2024 | 09:00 – 11:00 | FERIZAJ | Universiteti i Shkencave të Aplikuara në Ferizaj (UShAF) |
| 4 | 16.11.2024 | 09:00 – 11:00 | MITROVICË | Universiteti “Isa Boletini” Mitrovicë |
| 5 | 30.11.2024 | 09:00 – 11:00 | PEJË | Hotel Dukagjini, Pejë |
| 6 | 01.12.2024 | 09:00 – 11:00 | GJAKOVË | Pallati i Kultures “Arsim Vokshi”, Gjakovë |
| 7 | 07.12.2024 | 09:00 – 11:00 | GJILAN | Shkolla e Muzikës Gjilan |
| 8 | 14.12.2024 | Podujevë: 09:00 | PODUJEVË | Teatri “Avdush Hasani” Podujevë |
| Vushtrri: 13:00 | VUSHTRRI | Qendra e Kulturës “Hasan Prishtina”, Vushtrri |
Për lokacionin dhe orarin e takimit do të informoheni me kohë!
Të drejtë aplikimi kanë vetëm anëtarët e OIK të cilët përmes platformës së aplikimit mund të identifikohen përmes nr personal të identifikimit si dhe nr të anëtarësisë dhe të bëjn regjistrimin për këtë aktivitet.
Të gjithë anëtarët të cilët nuk posedojnë kartelën e anëtarësisë mund të bëjnë përditësimin e të dhënave përmes platformës online.
Pas aplikimit tuaj me sukses për pjesëmarrje në këtë aktivitet në e-mailin tuaj të cilin keni dhënë gjatë aplikimit në bashkëngjitje do të gjeni një kod QR, i cili do të përdoret për identifikimin tuaj gjatë hyrjes dhe daljes nga eventi. Ju mund ta skanoni kodin përmes telefonit tuaj të mençur ose ta printoni atë në një letër të bardhë me cilësi të mirë për t’u skanuar me sukses.
Pas përfundimit të trajnimit në secilin regjion do të bëhet verifikimi i pjesëmarrjes për secilin pjesëmarrës dhe do të bëhet ndarja e pikëve sipas pjesëmarrjes.
Të drejtë pjesëmarrje keni vetëm në një regjion!
Për të gjithë ata të cilët nuk përmbushin kriteret e cekura më lartë do të diskualifikohen në mënyrë automatike.
OIK inkurajon të gjithë anëtarët e OIK që të marrin pjesë në këtë aktivitet i cili është në dobi të të gjithë profesionistëve shëndetësorë dhe shërben në arritjen e pikëve për procesin e ri licencimit.
Linku për aplikim: https://oik-ks.org/trajnime/
Me respekt,
Oda e Infermierëve të Kosovës
APLIKO KËTU!