Komisioni Qendror i Zgjedhjeve i OIK publikon listat Preliminare Votuese
Komisioni Qendror Zgjedhor (KQZ) i Odës së Infermierëve, Mamive dhe Profesionistëve tjerë Shëndetësorë të Kosovës ka filluar me procedurat për organizimin e zgjedhjeve për Kuvendin e OIK të Legjislaturës së III-të (2023-2027).
KQZ-OIK ka kërkuar nga të gjitha institucionet që të dërgojnë Listën e Profesionistëve Shëndetësorë brenda institucionit të tyre të cilët janë anëtarë të OIK.
KQZ në mbledhjen e mbajtur me datë 06.12.2022 ka bërë publike listat zgjedhore preliminare.
Anëtarët e OIK-t të cilët nuk janë pjesë e këtyre listave kanë të drejtë të paraqesin ankesë për mos përfshirje në lista deri më datë 14.12.2022, në email adresen [email protected] apo në zyret e OIK.
Ju lutemi që gjatë paraqitjes së ankesës të theksoni njësinë zgjedhore ndaj listës të së cilës paraqitni ankesën.
