KQZ çertifikoi Kandidaturat për Kryetar të OIK-ut
Komisioni Qendror i Zgjedhjeve të OIK-ut bëri çertifikimin e kandidaturave për Kryetar të OIK-ut
Z. Mentor Hasani dhe z. Naser Rrustemaj u çertifikohen si kandidatë për kryetarë të OIK-ut.
Kandidatët kanë plotësuar të gjitha kushtet e paraprara me nenin 29 të rregullores për organizimin e zgjedhjeve, procedurën e kandidimit, të zgjedhjes dhe revokimit të anëtarëve të Organeve të Odës së Infermierëve, Mamive dhe Profesionistëve të tjerë Shëndetësor të Kosovës.
Të bashkangjitur gjeni Vendimin për çertifikimin e Kandidatëve kliko këtu 
Gjithashtu në baz të nenit 30 të Rregullores për organizimin e zgjedhjeve, procedurën e kandidimit, të zgjedhjes dhe revokimit të anëtarë të Organeve të Odës së Infermierëve, Mamive dhe Profesionistëve tjerë Shëndetësor të Kosovës përcaktohen edhe Procedurat e Zgjedhjes dhe Votimit për Kryetar të OIK-ut. kliko këtu
Zgjedhja e Kryetarit të OIK-ut
I. Kandidati që arrin të marrë 50% + 1 votë të anëtarëve prezent në raundin e parë të votimit zgjedhet Kryetar i OIK-ut.
II. Nëse një kandidat nuk arrin që të marrë 50% + 1 votë të anëtarëve prezent në raundin e parë, atëherë në raundin e dytë shkojnë dy kandidatët të cilët kanë arritur të grumbullojnë numër më të madh të votave në Raundin e Parë.
III. Në raundin e dytë Kryetari i OIK-ut zgjedhet kandidati i cili ka fituar së paku një votë më shumë se kundër-kandidati.
IV. Në raundin e dytë nëse rezultati është i barabartë, zhvillohet edhe një proces i votimit, derisa njëri kandidat të fitojë vota më shumë se kandidati tjetër.
V. Kandidatët në fletëvotim renditen sipas rendit alfabetik.
VI. Secili kandidat ka të drejtë që të caktojë një vëzhgues nga anëtarët e Kuvendit, për të vëzhguar procesin e votimit dhe numërimit.
Procedurat e votimit
I. Secili anëtarë i Kuvendit ftohet nga KQZ-ja për të votuar.
II. Fletëvotimi vuloset dhe i jepet anëtarit të Kuvendit, i cili nënshkruhet në listën votuese.
III. Fletëvotimi i pavulosur shpallet i pavlefshëm.
IV. Secili anëtarë voton në fshehtësi në njërën nga kabinat e votimit.
V. Vota nuk lejohet që të fotografohet.
