KQZ bëri certifikimin përfundimtar të Kandidaturave për Kryetar të OIK-ut
Komisioni Qendror i Zgjedhjeve në takimin e mbajtur me datë 24.02.2023 pas përfundimit të afatit ligjor të ankesave pranë Gjyqit të Nderit të paraparë me rregullorën për organizimin e zgjedhjeve, procedurën e kandidimit, të zgjedhjes dhe revokimit të anëtarëve të Organeve të Odës së Infermierëve, Mamive dhe Profesionistëve të tjerë Shëndetësor të Kosovës, ka bërë certifikimin përfundimtar të kandidaturave për Kryetar të OIK.
Vendimi: 
KQZ poashtu në bazë të nenit 30 të Rregullores për organizimin e zgjedhjeve, procedurën e kandidimit, të zgjedhjes dhe revokimit të anëtarë të Organeve të Odës së Infermierëve, Mamive dhe Profesionistëve tjerë Shëndetësor të Kosovës përcaktohen edhe Procedurat e Zgjedhjes dhe Votimit për Kryetar të OIK-ut:
PROCEDURAT E ZGJEDHJES DHE VOTIMIT PËR KRYETAR TË OIK-ut
Zgjedhja e Kryetarit të OIK-ut
- Kandidati që arrin të marrë 50% + 1 votë të anëtarëve prezent në raundin e parë të votimit zgjedhet Kryetar i OIK-ut.
- Nëse një kandidat nuk arrin që të marrë 50% + 1 votë të anëtarëve prezent në raundin e parë, atëherë në raundin e dytë shkojnë dy kandidatët të cilët kanë arritur të grumbullojnë numër më të madh të votave në Raundin e Parë.
- Në rast se kandidati i dytë dhe kandidati i tretë për nga numri i votave kanë numër të njejtë të votave, përparësi do të ketë kandidati i cili ka përvoj më të madhe profesionale.
- Në raundin e dytë Kryetari i OIK-ut zgjedhet kandidati i cili ka fituar së paku një votë më shumë se kundër-kandidati.
- Në raundin e dytë nëse rezultati është i barabartë, zhvillohet edhe një proces i votimit, derisa njëri kandidat të fitojë vota më shumë se kandidati tjetër.
- Kandidatët në fletëvotim renditen sipas rendit alfabetik.
- Secili kandidat ka të drejtë që të caktojë një vëzhgues nga anëtarët e Kuvendit, për të vëzhguar procesin e votimit dhe numërimit.
Procedurat e votimit
- Secili anëtarë i Kuvendit ftohet nga KQZ-ja për të votuar.
- Fletëvotimi vuloset dhe i jepet anëtarit të Kuvendit, i cili nënshkruhet në listën votuese.
- Fletëvotimi i pavulosur shpallet i pavlefshëm.
- Secili anëtarë voton në fshehtësi në njërën nga kabinat e votimit.
- Vota nuk lejohet që të fotografohet.
