Kryetari i OIK z. Naser Rrustemaj priti kryetarin e Odës së Mjekëve z. Pleurat Sejdiu
Në zyrat e Odës së Infermierëve, kryetari Naser Rrustemaj ka pritur përfaqësues të Odës së Mjekëve të Kosovës, z. Pleurat Sejdiu kryetar dhe z. Rrezart Halili, nënkryetar, me të cilët u dakorduan për një varg çështjesh me rëndësi për komunitetin
Prishtinë 25 gusht –
Plotësim – ndryshimi i ligjit për shëndetësi, Ligji pagave, Largimi i profesionistëve shëndetësor nga Kosova ishin temë kryesore e takimit të përbashët të zhvilluar mes kryetarit të Odës së Infermierëve z.Naser Rrustemaj, i cili në zyrat e OIK ka pritur z. Pleurat Sejdiu, kryerar i Odës së Mjekëve të Kosovës (OMK) dhe z.Rrezart Halili, nënkryetar i OMK-së.
Po ashtu në këtë takim u diskutua edhe për çështje e anëtarsimit si dhe procesin e licencimit dhe rilicencimit e profileve të profesionistëve shëndetësorë të cilët nuk kanë të përfunduar shkollimin bazik në fushat specifike shëndetësore.
Temë diskutimi mes kryetarit të OIK z. Rrustemaj dhe përfaqësuesve të OMK-së, z. Sejdiu dhe z. Halili ishte edhe adresimi i projektit për ndërtimin e objektit të përbashkët për Odat e Profesionistëve Shëndetësor.
Gjithashtu pati një dakordim edhe për njohjen e pikëve akredituese gjatë pjesëmarrjes në konferenca, kongrese dhe sympoziume të organizuara nga të dyja institucionet.
Përfaqësuesit e të dy odave të profesionistëve shëndetësorë u zotuan që bashkëpunimi mes këtyre mekanizmave nuk do të mungojë asnjëherë, në interes të komunitetit.
