Kryetarja e OIK, Nexhmije Gori takon ministrin Arben Vitia
Prishtinë, 20 nëntor –
Kryetarja e Odës së infermierëve, mamive dhe profesionistëve tjerë shëndetësor Nexhmije Gori ka takuar ministrin e shëndetësisë, Arben Vitia.
Në një takim mjaft të përzemërt, Gori dhe Vitia kanë folur për bashkëpunimin mes OIK dhe Ministrisë së Shëndetësisë në shumë fusha.
Në theks të veçantë janë diskutuar çështjet e licencimit, rilicencimit dhe edukimit të vazhdueshëm profesional, si një nga parimet bazë të lidershipit infermieror.
Kryetarja Gori dhe ministri Vitia kanë biseduar edhe në lidhje me draft-ligjin për Infermierë, mami dhe profesionsitë tjerë shëndetësorë si dhe për përfaqësimin e OIK në bordet dhe komisionet e Ministrisë së Shëndetësisë. Po ashtu, është konsideruar tepër e rëndësishme që OIK të jetë pjesmarrëse në hartimin e akteve normative për çështjet që implikojnë në zbatim OIK-un.
Një temë tjetër që është diskutuar me ministrin Vitia është edhe çështja e licencimit të specialistëve të Biokimisë dhe Psikologëve Klinik.
Gjithashtu, kryetarja Gori ka folur edhe për preokupime tjera të rëndësishme të infermierëve, siç janë shqetësimet lidhur me pozitën materiale të komunitetit Infermieror, puna gjatë vikendeve dhe fuqizimi i lidershipit infermieror.
