Kryetarja e OIK vizitoi Forcën e Sigurisë së Kosovës
Prishtinë, 19 shtator 2023 – Kryetarja e Odës së Infermierëve, mamive dhe profesionistëve tjerë shëndetësorë Nexhmije Gori ka vizituar regjimentin e mjekësisë të Forcës së Sigurisë së Kosovës në Kazermën Adem Jashari.
Kryetarja Gori është pritur nga Kolonel Xhevdet Tahiraj, udhëheqës i këtij regjimenti. Gori ka thënë se është ndjerë tepër e nderuar që ka pasur mundësinë të vizitoj regjimentin mjekësor të FSK-së.
“Nderi është edhe më i madh kur kam parasysh rolin dhe rëndësinë që kanë kolegët tanë infermierë dhe punonjësit tjerë shëndetësor në Ushtrinë e Kosovës”. Gori ka shtuar se ka qenë ëndërr e shumë gjeneratave që Kosova të ketë ushtrinë e saj, e normal në kuadrin e saj edhe regjimentet mjekësore, që dëshmojnë një strukturë të mirë organizuar brenda ushtrisë.
Kryetarja e OIK, Nexhmije Gori në takimin me përfaqësues të ushtrisë së Kosovës ka shprehur gatishmërinë e saj për të intensifikuar edhe më shumë bashkëpunimin në fushën e Edukimit të Vazhdueshëm profesional si dhe është diskutuar për çështjet e licencimit dhe rilicencimit të infermierëve që janë të angazhuar në Forcën e Sigurisë së Kosovës.
