Kryetarja Gori mirëpret homologët nga Shqipëria
Prishtinë, 18 dhjetor –
Kryetarja e Odës së Infermierëve, Mamive dhe Profesionistëve tjerë shëndetësorë znj. Nexhmije Gori ka pritur në një takim znj. Blerina Duka, Presidente e Urdhërit të Infermierëve të Shqipërisë së bashku me zv. Presidentin, z. Sabri Skënderi.
Takimi është zhvilluar në vazhdën e bashkëpunimit mes OIK dhe Urdhrit të Infermierit të Shqipërisë, e që konsiston edhe në organizimet që po bën OIK me rastin e dhjetë vjetorit të themelimit.
Në takim, znj. Gori dhe Duka kanë folur për bashkëpunimin e ngushtë mes organizatave simotra, duke potencuar ndihmën reciproke që ato i japin njëra tjetrës, kryesisht në fuqizimin e anëtarësisë në nivelet kombëtare, rajonale dhe ndërkombëtare.
