Lansohet Platforma online e OIK-ut dhe ndryshon sistemi i pagesave
Të hënën me 22 Prill 2019, lansohet platforma online për menaxhimin e profesionistëve shëndetësor dhe ndryshon sistemi i pagesave për anëtarët e OIK-ut.
Plaforma online do të mundësojë që të gjithë anëtarët e OIK-ut, të aplikojnë për anëtarësim, licencim, ri-licencim dhe shume shërbime tjera, nga shtëpitë e tyre pa pasur nevojë që të vijnë në zyrat e OIK-ut.
Të gjitha aplikimet do të bëhen online dhe anëtari do të njoftohet lidhur me vendimet e aplikacionit të tyre në kohë reale përmes email-it.
Po ashtu, edhe sistemi i pagesave ndryshon. Fatura e aplikimit tanimë do të gjenerohet nga sistemi dhe do t’i dërgohet aplikuesit ne email. Aplikuesi më pas vetëm do të shtyp faturën dhe do të bëjë pagesa në njërën prej degëve më të afërta të Western Union apo Capital Ria.
Komisioni i pagesës në Western Union dhe Capital Ria do të jetë 0,50 Euro dhe jo siç është aktualisht.
Gjithashtu, si pjesë e digjitalizimit të shërbimeve është edhe plotësimi i të dhënave për anëtarët aktual të OIK-ut, i cili do të bëhet përmes një moduli të caktuar.
Pra, secili anëtarë përmes numrit të letërnjoftimit do të bëjë plotësimin/konfirmimin e të dhënave dhe pas kësaj do t’i gjenerohet kartela e anëtarësisë e cila për këtë periudhë është pa pagesë.
Duke pasur parasysh komleksitetin e aplikacionit, shpresojmë në mirëkuptimin tuaj nëse shfaqen probleme eventuale teknike.
