Mbylli punimet Kongresi i II-të Ndërkombëtar i OIK
Prishtinë, 05-06 prill 2024
Për dy ditë rresht është mbajtur në Prishtinë Kongresi i Dytë Ndërkombëtar i organizuar nga Oda e Infermierëve, mamive dhe profesionistëve tjerë shëndetësorë. Temë bosht e kongresit ishte “Roli, rëndësia dhe sfidat në avancimin e praktikave profesionale të profesionistëve shëndetësorë”.
OIK përmes Kongresit të Dytë Ndërkombëtar u bë nikoqire e mysafirëve të shumtë nga Kosova, Shqipëria, Regjioni, Evropa, Anglia, Shtetet e Bashkuara të Amerikës, Turqia dhe vende të shumëta mike të Kosovës.
Kryetarja e OIK, znj. Nexhmije Gori ka thënë para mysafirëve të shumtë se Kosova, si shteti më i ri në Evropë ka punuar shumë në procesin e formimit të Odave të Profesionistëve Shëndetësorë, si organizata të pavarura.
“Pavarësisht sfidave, pavarësia profesionale dhe aktiviteti rregullativ ka bërë që të gjitha problemet që kanë preokupuar komunitetin infermieror me vite, të adresohen dhe të gjejnë zgjidhje ligjore, të pranueshme dhe të balancuar, në interes të profesionistëve shëndetësorë, me standarde, cilësi dhe gjithmonë duke pasur në qendër të vëmendjes” ka thënë Gori.
Në librin e anstratkeve të këtij Kongresi janë publikuar 130 punime, të cilat do të publikohen edhe në PROCEDING online, kurse janë përzgjedhur për preznatim 45 punime shkencore.
Kongresi është ndjekur me prezencë fizike dhe përmes platformave online nga rreth 10 mijë infermierë, mami dhe profesionistë tjerë shëndetësorë.
Ky kongres është realizuar falë mbështetjes nga IHS, AQH dhe WBF.
OIK, falëmnderon gjithë mysafirët pjesmarrës, në veçanti sponsorët dhe kontribuesit e shumtë që mundësuan organizimin dhe mbajtjen e Kongresit të II-të Ndërkombëtar të mbajtur nën patronatin e Odës.
