Nesër mbahen zgjedhjet për anëtarë të Kuvendit të OIK
Sot me datë 09 shkurt 2023 është bërë trajnimi i Kryetarëve të Komisioneve të Njësive Zgjedhore (KNJZ) si dhe shpërndarja e materialit zgjedhor.
Komisioni Qendror i Zgjedhjeve njofton se janë bërë të gjitha përgatitjet e nevojshme, dhe nesër me datë 10 shkurt 2023 nga ora 07:00 deri në orën 19:00 votuesit e regjistruar në njësitë zgjedhore të cilat do të organizohen zgjedhjet mund t’iu drejtohen kutive të votimit, për të ushtruar të drejtën e tyre të votës.
Këtë proces do ta vëzhgojnë 38 vëzhgues të certifikuar nga KQZ zë cilët paraprakisht kanë bërë kërkesën për certifikim.
KQZ fton të gjithë profesionistët shëndetësorë të cilët kanë të drejtë vote në institucionet të cilat janë certifikuar në listë votuese që të dalin në mënyrë sa më masive për të votuar, gjithmonë duke respektuar Kodin e mirësjelljes i cili ka për qëllim krijimin e kushteve ku anëtarët e OIK të cilët mund të zgjedhin përfaqësuesit e tij përmes zgjedhje të lira, të drejta dhe të mirë-informuara, në një atmosferë kolegiale dhe respekti të rregullave të legjislacionit përkatës. Këtij Kodi i detyrohen të gjithë anëtarët e OIK, veçanërisht kandidatët për anëtarë të organeve të OIK.
