OIK ka zgjedhur gjashtë koordinatorë regjionalë
Prishtinë, 7 shkurt –
Oda e Infermierëve, mamive dhe profesionistëve tjerë shëndetësorë ka zgjedhur gjashtë koordinatorë regjionalë, të cilët do të jenë adresë e parë për çështje infermierore për infermierët e gjitha regjioneve të Kosovës.
Koordinator i OIK për regjionin e Gjakovës është zgjedhur z. Liridon Marku, në regjionin e Pejës koordinatore është zgjedhur znj. Sabrije Kelmendi Bardhaj, në regjionin e Prizrenit znj. Mirlinda Baliqi, në Gjilan znj. Sadije Ismaili, në Ferizaj z. Rexhep Jakaj dhe në Mitrovicë z. Arban Behrami.
Koordinatorët e OIK në regjionet që mbulojnë do të koordinojnë aktivitetet e OIK.
Po ashtu do të hartojnë plan programin dhe aktivitetet mujore dhe vjetore të Odës.
Gjithashtu detyrë e tyre mbetet promovimi i shërbimeve të OIK-ut në nivel të Rajonit të Komunës përzgjedhëse si dhe do të mbajnë evidenca dhe regjistra për anëtarët e OIK në nivel rajoni.
Gjithashtu ata do të informojnë Odën për aktivitetet në nivel Rajoni.
Koordinatorët po ashtu do të kujdesen për zbatimin e programeve të Edukimit të vazhdueshëm profesional.
Ata po ashtu do të informojnë Këshillin Drejtues të OIK mbi rrjedhojën e zhvillimit të aktivitetit të punës.
Promovimin e koordinatorëve të OIK e ka bërë kryetarja e Odës së Infermierëve, mamive dhe profesionistëve tjerë shëndetësorë Nexhmije Gori.
Ajo ka thënë se është tejet e kënaqur që tashmë në gjitha regjionet e Kosovës kanë promovuar koordinatorët e OIK, të cilët do të jenë në dispozicionin e infermierëve për gjitha preokupimet që mund t’i kenë infermierët e secilit regjion në Kosovë.
Kryetarja Gori ka thënë se infermierët, mamitë dhe profesionistët tjerë shëndetësorë tashmë kanë një adresë të rëndësishme për çështje që ndërlidhen me OIK.
Koordinatorët e zgjedhur nëpër regjione janë pjesë e komisioneve si dhe organeve më të larta të OIK.
