OIK organizon Edukim të Vazhdueshëm Profesional për të gjithë anëtarët
Mbështetur në ligjin për Odat e Profesionistëve Shëndetësor (OPSH) Oda e Infermierëve, Mamive dhe Profesionistëve tjerë Shëndetësorë të Kosovës (OIK) në kuadër të sesionit vjeshtor organizon Edukim të vazhdueshëm profesional FALAS për të gjithë anëtarët, të punësuarit në sektorin publik, sektorin privat dhe ata të pa punë.
Programi është akredituar nga Komisioni për EVP me 16 pikë akredituese.
Poentimi i pjesëmarrësve do të bëhet si në vijim:
- Pjesëmarrësit të cilët ndjekin 4 ligjërata do të kreditohen me 10 pikë
- Pjesëmarrësit të cilët ndjekin 6 ligjërata do të kreditohen me 12 pikë
- Pjesëmarrësit të cilët ndjekin 8 ligjërata do të kreditohen me 14 pikë
- Pjesëmarrësit të cilët ndjekin 10 ligjërata do të kreditohen me 16 pikë
Të drejtë aplikimi kanë vetëm anëtarët e OIK të cilët përmes platformës së aplikimit mund të identifikohen përmes nr personal të identifikimit si dhe nr të anëtarësisë dhe të bëjn regjistrimin për këtë aktivitet.
Të gjithë anëtarët të cilët nuk posedojnë kartelën e anëtarësisë mund të bëjnë përditësimin e të dhënave përmes platformes online.
Ligjeratat do të fillojnë nga ora 14:00, një cikël i ligjërates mbahet në tri ditë:
Cikli i parë – 26-27 dhe 28 tetor 2022 Aplikuesit nga 1 deri 999
Cikli i dytë – 01-02 dhe 03 nëntor 2022 Aplikuesit nga 1000 deri 1999
Cikli i tretë – 08-09 dhe 10 nëntor 2022 Aplikuesit nga 2000 deri 2999
Cikli i katërt – 15-16 dhe 17 nëntor 2022 Aplikuesit nga 3000 deri 3999
Cikli i pestë – 22-23 dhe 24 nëntor 2022 Aplikuesit nga 4000 deri 4999
Cikli i gjashtë – 29-30 nëntor 2022 dhe 01 dhjetor 2022 Aplikuesit nga 5000 deri 5999
Cikli i shtatë – 06-07 dhe 08 dhjetor 2022 Aplikuesit nga 6000 deri 6999
Cikli i tetë – 13-14 dhe 15 dhjetor 2022 Aplikuesit nga 7000 deri 7999
Selektimi i pjesëmarrësve në secilin cikël do të bëhet sipas datës së aplikit!
Temat të cilat janë planifikuar të trajtohen janë 10 tema të përgjithshme si dhe 6 tema sipas profileve specifike të cilat duhet të ndjeken nga profilet specifike përkatëse.
Temat e përgjithshme (Infermier, Mami)
- Sesioni 1
- Roli i Odës dhe masat që ndërmerr OIK në rast të shkeljeve profesionale;
- Drejtat dhe përgjegjësitë e qytetarëve në sistemin shëndetësorë;
- Roli i infermierit në administrimin e medikamenteve dhe parandalimin e gabimeve gjatë administrimit;
- Të drejtat e profesionistëve shëndetësorë nga marrëdhënja e punës;
- Cilësia në Kujdesin Shëndetësorë;
- Sesioni 2
- Përgjegjësitë e nivelit primarë shëndetësorë;
- Roli i infermierit në kujdesin emergjent;
- Roli dhe rëndësia e infermierit në shërbimin e kujdesit parësor shëndetësor;
- Rëndësia e sistemit informativ shëndetësorë;
- Edukimi themelor shëndetësorë i popullatës.
- Sesioni 3 për profilet Specifike
- Teknik të farmacisë;
- Laborant mjekësorë;
- Teknik të Stomatologjisë;
- Teknik të radiologjisë;
- Teknik të Fizioterapisë;
- Psikologji, Logopedi, Ergoterapi;
Profesionistët e profilizuar së bashku me programin e përgjithshëm do të ndjekin edhe programin e specifikuar.
Ky aktivitet do të jetë i organizuar në formë Online përmes platformes ZOOM, prandaj para fillimit të aktivitetit duhet të keni të instaluar aplikacionin Zoom si dhe të sigurohuni të keni të shënuar në formë të saktë emrin dhe mbiemrin për evidentimin e pjesëmarrjes tuaj.
Pas përfundimit të ciklit të secilit regjion do të bëhet verifikimi i pjesëmarrjes për secilin pjesëmarrës dhe do të bëhet ndarja e pikëve sipas pjesëmarrjes.
Për të gjithë ata të cilët nuk përmbushin kriteret e cekura më lartë do të diskualifikohen në mënyrë automatike.
OIK inkurajon të gjithë anëtarët e OIK që të marin pjesë në këtë aktivitet i cili është në dobi të të gjithë profesionistëve shëndetësorë dhe shërben në arritjen e pikëve për procesin e rilicencimit.
Linku për aplikim: KLIKO KËTU
Me respekt,
OIK
