OIK përfaqësohet në ceremoninë e përvjetorit të ICN
Bukuresht, 21-22 tetor –
Në ceremoninë e 125 vjetorit të Këshillit Ndërkombëtar të Infermierëve (ICN) për herë të parë përfaqësojnë Kosovën kryetarja e OIK, znj. Nexhmije Gori, bashkë me zv.Kryetaren Leonora Bakija dhe udhëheqesën e Zyrës së psikologëve znj. Donika Shahini Lami.
Në Bukuresht të Rumanisë ku po mbahet ceremonia, u premtuan bashkëpunime frytëdhënese ndërkombëtare nga kryetarja e ICN- znj.Pamela Cipriano.
Në këtë event dy ditor prezent ishte edhe shkëlqësia e saj Princesa e Jordanit Muna al Hussein, e cila në cilësinë e ambasadorës së shëndetit dha mesazh për rëndësinë dhe angazhimin e saj për përmirësimin e shëndetit global, duke njohur kontributin esencial që ndihmësit mjekësorë ofrojnë në komunitetet në të gjithë botën. Prania e saj në takim reflekton rëndësinë e bashkëpunimit ndërkombëtar në fushën e shëndetit.
Takimet po mbahen ne Pallatin e Parlamentit të Rumanisë.
