OIK po vazhdon me realizimin e punëtorive të parapara nga projekti i mbështetur nga CDF
Sot me datë 14 korrik 2021 u mbajt punëtoria e dytë me radhë në kuadër të Edukimit të Vazhdueshëm Profesional (EVP) që ka për qëllim ngritjen e kapaciteteve të komunitetit infermieror dhe anëtarësisë së OIK në lidhje me të drejtat dhe përgjegjësitë e tyre në vendin e punës ku pjesëmarrës fizikisht ishin rreth 50 pjesëmarrës ndërsa rreth 300 pjesëmarrës përmes platformës online ZOOM.
Hapjen e punëtorisë e bëri Menaxheri i Projektit njëkohësisht Kryetar i Këshillit Drejtues të OIK z. Muharrem Arifi.
Arifi ka thënë se OIK përmes këtij projekti do të organizojë katër punëtori, dhjetë forume online, gjashtë sallone dhe një takim prmbyllës.
“Në këto aktivitete do të trajtohen tema rreth të drejtave dhe lirive themelore të njeriut, të drejtat në sistemin shëndetësor përfshirë cilësinë e shërbimeve shëndetësore, te drejtat e punëtorëve në vendet e tyre të punes, masat që ndërmerr OIK në rast të shkeljeve etike dhe profesionale nga anëtarët e saj dhe tema tjera të cilat kanë të bëjnë me ngritjen e kapaciteteve profesionale të infermierëve, mamive dhe profesionistëve tjerë shëndetësorë”, ka thënë kryesuesi i KD të OIK-ut.
Ai ka falënderuar Fondin për Zhvillim Komunitar, CDF për mbështetje të projektit si dhe Qendrën e Telemjekësisë së Kosovës për mbështetje logjistike.
Pjesëmarrës ishte dhe Artan Binaku, nga Fondi për Zhvillim të Komuniteteve (CDF) ka shprehur kënaqësinë e tij që në një punëtori e tillë kanë gjetur mundësinë e përfshirjes një numër shumë i madh i punonjësve shëndetësorë.
Ai po ashtu është shprehur se ky është një rast i mirë i mbështetjes së një organizimi me përfshirje kaq të madhe të komunitetit infermieror.
Ndryshe, punëtoria e dytë ka përfshirë rreth 50 pjesëmarrës fizikisht dhe 𝟑𝟎𝟎 𝐚𝐩𝐥𝐢𝐤𝐮𝐞𝐬𝐢𝐭 𝐞 dytë me radhë, të cilët kanë ndjekur programe që ndërlidhen me të drejtat dhe liritë themelore të njeriut dhe të drejtat në sistemin shëndetësor, referuar nga profesor Hysni Bajrami. Programet janë të akredituara nga Komisioni për EVP i OIK, me ç’rast ligjëruesit do të përfitojnë nga 8 pikë akredituese kurse anëtarët dëgjues do të çertifikohen me nga 6 pikë akredituese.
OIK ka planifikuar dhe dy punëtori të cilat janë paraparë të mbahen në muajin Shtator dhe Nëntor, për të cilat të gjithë ata të cilët kanë arritur të regjistrohen me sukses përmes webfaqes së OIK do të pranojnë të gjitha informacionet me kohë!
