Përfundoi punimet Kongresi i Parë Ndërkombëtar i Infermierisë
Një sërë konkluzionesh janë nxjerrë nga punimet e Kongresit të parë ndërkombëtar të infermierëve, mamive dhe profesionistëve tjerë shëndetësor të Ballkanit, që përfundoi punimet të premtën në Prishtinë
Prishtinë, 7 maj –
U mbyllën punimet e Kongresit të parë Ndërkombëtar të Infermierëve, Mamive dhe profesionistëve tjerë shëndetësor të Ballkanit – KNIPShB 2021. Mbylljen e bëri sekretari i Kongresit, z. Xhemajl Dugolli.
Kjo është fjala përmbyllëse e z. Dugolli, sekretar i Kongresit:
Përshëndetje të dashur bashkëpunëtorë, miq, kolegë dhe pjesemarrës të këtij Kongresi.
Përpara së të paraqes konkluzionet e Kongresit KNIPShB 2021, në cilësi të sekretarit të Kongresit, dua të falënderoj me gjithe zemër:
– Presidentin e kongresit z.Naser Rrustemaj dhe zëvendëspresidenten znj. Monika Azhman.
– Odën e Infermierëve, Mamive dhe profesionistëve tjerë shëndetësor, zv.kryetaren Lirije Beqiri, kryetarin e Këshillit Drejtues, z. Muharrem Arifi, antarët e këshillit drejtues, të gjtha organet, komisionet dhe stafin e OIK-ut.
– Ministrinë e Shëndetesisë së Kosoves, Ministrin z. Arben Vitia.
– Të gjithë ata persona që e ideuan dhe kontribuan në realizimin e këtij Kongresi!
– Pjesetarët e bordit shkencor të KNIPShB 2021
– Pjesetarët e bordit organizativ të KNIPShB 2021
– Të gjitha Odat, Urdhrat, Universitet dhe institucionet bashkëpunëtore të KNIPShB 2021:
– Sponsorin e këtij Kongresi: “Western Balkan Founds”
– Pjesëmarrësit aktiv të këtij aktiviteti që me punimet e tyre i dhanë shpresë kesaj situate të pazakonte ndërkombëtare të shkaktuar nga pandemia COVID 19 dhe ndryshimeve në kujdesin infermieror.
– Pjesemarrësit dëgjues që morën pjesë në platformën Zoom dhe shkëmbyen eksperiencat e tyre, duke na bërë të reflektojmë për mundësi më të mira.
– Një falënderim i veçantë shkon për përfaqësuesit e institucioneve bashkpunëtore nga Sllovenia, Shqipëria, Kroacia, Maqedonia Veriore, Turqia dhe Italia që na nderuan me pjesemarrjen e tyre aktive.
Të gjithë kolegëve, vajzave dhe djemve që kontribuan në mbarëvajtjen e Kongresit.
Konkluzione:
Kongresi i parë nderkombetar i infermiereve, mamive dhe profesionisteve tjere shëndetësor të Ballkanit – KNIPShB, mbajtur më 6-7 maj 2021
Ky kongres, pas eksperiencave të mëpërparshme në OIK, i dha një mundësi të gjithë profesionistëve të kujdesit shëndetësor, të shpalosin punimet e tyre shkencore, duke i ballafaquar edhe me kolegët e tyre të vendeve të tjera bashkëpunëtore të rajonit dhe ato turke, të diskutojnë veçanërisht per situatën pandemike Covid 19 por dhe aspekte te tjera infermierore.
Përmirësimi i vazhdueshëm i edukimit infermieror është shumë i rëndësishëm për procesin e Infermierisë dhe Cilësinë e Kujdesit Shëndetësor dhe hulumtimet në infermieri bëjnë të mundur këtë gjë.
Pjesëmarrja shumë e madhe nga punonjësit shëndetësore të Shqipërisë, Sllovenise, Turqisë, Kroacisë, Italisë dhe Maqedonisë së Veriut, tregoi më së miri interesin e lartë dhe lidhjen e fortë që tashmë e kemi krijuar ndër vite.
Pjesëmarrja e gjithë vendeve shqipfolëse me punimet dhe mendimet e tyre, solli një realitet ndryshe dhe bëri të mundur t’i shikojmë problemet më në detaje. Rrjetizimi është shumë i rëndësishëm për zhvillimin e Infermierisë në vendet e rajonit dhe jo vetëm. Ndryshimet pozitive që kërkon koha, si domosdoshmëri për t’u pranuar nga Bashkimi Europian, kjo konferencë i tregoi më së miri.
U konstatua një interes shumë i madh dhe një pjesëmarrje masive nga profesionistët e shëndetësorë. Gjatë shpalosjes së punimeve u zhvilluan diskutime të frytshme dhe interesante mes lektorëve dhe pjesëmarrësve përmes platformës ZOOM dhe atyre në panel.
Oda e Infermiereve është një promotor i ndryshimeve pozitive që duhet të kenë Shkencat Mjekesore si domosdoshmeri për tu përballur me tregun vendor dhe të huaj, në mënyrë që të kërkohemi dhe jo të kërkojmë.
Duke iu falëmnderuar për durimin dhe kontributin e dhënë shpallim të mbyllur punimet e Kongresit të parë Ndërkombëtar të infermierëve, mamive dhe profesionistëve tjerë shëndetësor të Ballkanit – KNIPShB 2021.
