Përfundon me sukses punëtoria e katërt e organizuar nga OIK në mbështetje të CDF
Sot me datë 17.11.2021 ka përfunduar me sukses punëtoria e katërt dhe e fundit e organizuar në kuadër të Edukimit të Vazhdueshëm Profesional në mbështetje të CDF.
Anëtarësia e OIK përfitoi pa pasur nevojë për pagesë, në kuadër të programeve të Edukimit të Vazhdueshëm Profesional (EVP) me qëllim të ngritjen e kapaciteteve dhe njohjen me të drejtat dhe liritë themelore të njeriut, të drejtat në sistemin shëndetësor dhe në lidhje me të drejtat dhe përgjegjësitë e tyre në vendin e punës.
Pjesëmarrës në këto 4 punëtori ishin më shumë se 1500 anëtarë, me ç’rast ligjëruesit përfituan nga 8 pikë akredituese kurse anëtarët dëgjues u çertifikuan me nga 6 pikë akredituese, pikët do të vendosen në formë elektronike në profilet individuale në platformën online për menaxhimin e profesionistëve shëndetësorë të OIK.
I pranishëm përmes platformës online zoom ishte edhe përfaqësuesi i CDF z. Fisnik Sopjani i cili shprehi mbështetjen e mëtutjeshme për organizimin e trajnimeve të tilla dhe falënderoj OIK për organizimin dhe të gjithë profesionistët shëndetësorë të cilët po japin vazhdimisht kontributin e tyre përballë pandemisë Covid-19.
OIK është duke vazhduar me organizimin e dy forumeve të fundit të cilat do të mbahen me 08 dhe 22 dhjetor 2021, prandaj ju ftojmë ta shfrytëzoni këtë mundësi të regjistrimit pa pagesë në këto forume, të cilat janë të akredituara nga komisioni për EVP me 8 pikë kredituese për ligjërues, kurse 6 pikë për pjesëmarrësit me dëgjim.
Forumet janë të planifikuara në këto data:
Forum 9 – 08.12.2021
Forum 10 – 22.12.2021
Të drejtë pjesëmarrje në forum keni vetëm një herë!
Përmes këti linku mund të bëni regjistrimin të gjithë ata të cilët ende nuk janë regjistruar.
Apliko për Forum: Kliko këtu
OIK falënderon pa masë Fondin për Zhvillim të Komuniteteve (#CDF) për mbështetjen e vazhdueshme në këtë projekt, po ashtu Qendrën e Telemjekësisë për mbështetje logjistike në mbajtjen e trajnimeve
