Pranoi detyrën kryetarja e re e Odës së infermierëve, mamive dhe profesionistëve tjerë shëndetësorë
Prishtinë, 15 mars –
Në zyrat e Odës së infermierëve, mamive dhe profesionistëve tjerë shëndetësorë ish kryetari i OIK Naser Rrustemaj ka bërë dorëzimin e detyrës kryetares së re të OIK, znj. Nexhmije Gori.
Kryetarja e sapozgjedhur e OIK, Nexhmije Gori, ka thënë se është kënaqësi për të që e ka gjetur Odën si një institucion të konsoliduar mirë dhe se kjo është një kontribut i veçantë i z.Rrustemaj dhe ekipës së tij që kanë udhëhequr me OIK që nga fillimi i themelimit të saj.
“Këtë pozitë e pranoj si një përgjegjësi dhe njëkohësisht privilegj. OIK e kam gjetur në rrugë të mbarë dhe të mirë dhe për këtë u jam tejet falëmnderues”, tha kryetarja Gori gjatë pranimit të detyrës.
Ndërkaq ish kryetari Rrustemaj është shprehur se angazhimi i tij ka rezultuar i suksesshëm falë punës ekipore që kanë bërë.
“Du me falëmnderu të gjithë ekipën që më ka mbështetur si dhe gjithë stafin që kanë bërë një punë të jashtëzakonshme”, tha ish kryetari Rrustemaj.
Ndryshe, zgjedhjet për kryetar të Odës së infermierëve, mamive dhe profesionistëve tjerë shëndetësorë janë mbajtur më 27 shkurt 2023, ku Kuvendi i OIK ka zgjedhur për kryetare të Odës në mandat 4 vjeçar, znj. Nexhmije Gori.
Gori ka lindur në Prishtinë. Ka punuar më shumë se dy dekada infermiere në Klinikën e Neonatologjisë. Ka të përfunduar edhe Fakultetin Ekonomik dhe ka bërë master në fushën e menaxhimit shëndetësor.
Është nënë e dy djemve dhe jeton me familjen e saj në Fushë Kosovë.
