RESPEKT DHE MIRËNJOHJE PËR PËRKUSHTIMIN TUAJ.
Në këto ditë që po kalon vendi ynë me pandeminë e COVID-19, OIK vlerëson angazhimin e pa lodhshëm dhe shprehë mirënjohje e falënderim të veçantë për misionin heroik të kolegëve tanë, duke kontribuar në shërbim të jetës për të gjithë të sëmuret, duke jua kthyer buzëqeshjen dhe shpresën çdo ditë me profesionalizmin e treguar dhe duke mos kursyer as shëndetin e tyre për shëndetin e popullatës.
I bëjmë thirrje të gjithë politike bërësve që të kthejnë vëmendjen drejt Infermiereve mamive dhe të gjithë profesionistëve tjerë shëndetësor të cilët çdo ditë mbështesin jetën nga frymëmarrja e pare e deri në frymëmarrjen e fundit. Kërkojmë nga të gjitha institucionet që të kenë me shumë vëmendje ndaj tyre duke ju krijuar siguri dhe kushte më të mira në vendin e punës që shërbimet të mund të ofrohen ne nivelin më të lart të mundur.
Kërkojmë që të ktheni vëmendjen ndaj tyre me ndërhyrje konkrete për paga të dinjiteteshme që pjesa më e mirë e këtyre profesionistëve të qëndrojë në vendin tonë, e jo të ju hapet rruga për largim në vendet tjera.
OIK shpreh mirënjohje respekt dhe shumë falënderime për të gjithë anëtarët e saj për kontributin e vazhdueshëm që po japin për sigurinë e qytetarëve të vendit tonë.
Shërim të shpejt për të gjithë infermieret e infektuar me COVID 19 ne do të jemi në mbështetje të vazhdueshme ndaj jush në të gjitha sfidat që mund të na dalin.
