Blog

TË SHTOHET NUMRI I INFERMIERËVE NË KLINIKËN INFEKTIVE

Kryetari i Odës së Infermierëve të Kosovës Naser Rrustemaj, ka kërkuar nga Ministria e Shëndetësisë dhe QKUK që të forcojnë radhët e Klinikës Infektive me staf shtesë infermieror, pasi aty janë zvogëluar kapacietetet dhe janë rritur kërkesat dhe angazhimet derisa po përballen me virusin CIVID 19.

 

Mbështetje me staf shtesë infermieror për Klinikën Infektive ka kërkuar kryetari i Odës së Infermierëve të Kosovës Naser Rrustemaj,  në një intervistë të dhënë për programin e mëngjesit në Radi Televizionin e Kosovës.

 

Kjo, pasi aty tashmë tre infermierë kanë rezultuar pozitiv me COVID 19.
Rrustemaj ka thënë se infektimi i infermierëve e nuk ka ndodhur në mungesë të masave mbrojtëse por si rezultat i kontaktit të drejtpërdrejt të infermierëve me pacientët.

“Apeli im është që edhe MSH edhe QKUK, që deri këto momente na kanë ndihmu me një staf prej 5-6 infermierëve, apelojmë që nga sot të kemi staf shtesë për Klinikën Infektive pasi specifikat janë të tilla dhe nevojiten masa shumë më të mëdha…”, ka Rrustemaj.

Ai ka thënë se Klinika Infektive përveç 3 infermierëve të infektuar tashmë me COVID 19, është detyruar të liroj nga puna 2 infermiere që janë me sëmundje kronike, 4 me fëmijë të vegjël në klinikë dhe 5 mbi moshën 64 vjeçare.

Andaj, kjo ka bërë që numri i stafit aty të jetë i reduktuar dhe nevoja për staf shtesë është immediate.
“Presim edhe forcim me kapacitete shtesë që të kryhen shërbimet”, ka thënë Rrustemaj.

Ai ka shtuar se pavarësisht se infermierët kanë qenë me kategorizim jo adekuat në ligjin e pagave në raport me kategoritë tjera, Oda e Infermierëve nuk ka kërkuar që Ligji i Pagave të hidhet poshtë. “Por kemi kërkuar dhe presim ngitje të kategorizimit për infermierët deri në qershor. Por absolutisht nuk e kemi pritur mirë shtyerjen nga ana e Gjykatës Kushtetuese”, ka thënë Naser Rrustemaj, kryetar i Odës së Infermierëve të Kosovës.