Oik definon kompetencat e organeve dhe komisioneve
Oda e Infermierëve të Kosovës (OIK), në një punëori dy ditore të organizuar me komisionet dhe organet e saja, theks të veçantë i ka kushtuar definimit dhe qartësimit të kompetencave të secilit komision si dhe organeve të OIK-ut.
Në një punëtori të organizuar nga Oda e Infermierëve të Kosovës për gjitha komisionet dhe organet e OIK-ut, u raportua për punët e secilit komision gjatë vitit 2019 si dhe u bënë planifikimet e punës për vitin 2020.
Po ashtu, OIK në këtë punëtori me organet dhe komisionet e saja theks të veçantë i ka kushtuar definimit dhe qartësimit të kompetencave të tyre.
Kryetari i Odës së Infermierëve të Kosovës Naser Rrustemaj, tha se secili komision i Odës së Infermierëve tashmë ka dërguar raportin vjetor të angazhimeve.
“Është mirë që të dalim dhe të punojmë në planifikim dhe çështjet që iu brengosin në rregulloret që keni plotësu ose ndryshuar”, ka thënë kryetari Rrustemaj.
Në punëtori, janë diskutuar edhe sfidat e organeve dhe komisioneve të Odës, sidomos në qartësimin dhe shtrirjen e kompetencave të gjithsecilit komision, pasë parasysh faktin se Oda është në grupin e institucioneve të reja, që në vazhdimësi po sforcon kompetencat e saja. Hysni Bajrami, Këshilltar i Kryetarit të Odës së Infermierëve të Kosovës ka thënë se fokusi i gjithë puntorisë do të duhej të jetë tek akomodimi me kompetencat.
“E para ku do të ishte mirë të fokusohemi, është të shohim a jemi akomodu mirë si bartës të Odës me procedurat, brenda kompetencave, deri ku shtrihen kompetencat e një organi apo komisioni”, ka thënë Bajrami.
Tutje ai ka shtuar se secili komision duhet t’i ketë të qarta procedurat dhe t’i qartësoj ato deri në detajin më të vogël.
Diskutimi për kompetencat e komisioneve, po ashtu ngriti interesimin e gjitha palëve, me ç’rast u dhanë edhe shembuj se ku mund të bëhen përmirësime në të mirë të komunitetit por edhe të pacientëve.
